MWĨKALĨLE WA AKLĨSTO
Nĩ Kana Tũtw’ĩkĩthye Andũ Amanyĩw’a Nĩtwaĩle Kũtavany’a na Kũmanyĩsya
Yesũ eeaĩie aatĩĩi make mathi makatw’ĩkĩthye andũ amanyĩw’a. (Mt 28:19) Nzĩa ĩmwe ya kwĩka ũu nĩ kũtavany’a na kũmanyĩsya. Mavinda kwa mavinda nĩtwaĩle kwĩkũlasya atĩĩ: ‘Ndonya kwĩka maendeeo ata nthĩnĩ wa nzĩa ii nene na sya vata sya kũtw’ĩkĩthya andũ amanyĩw’a?’
KŨTAVANY’A
Vandũ va kweteela andũ moke vala tũĩ, no nginya twĩkĩe kĩthito kũmantha andũ ala ‘aĩlu.’ (Mt 10:11) Ĩla twĩ ũtavany’a, nĩtwĩthĩawa twĩ metho nĩ kana tũtavye andũ ala ‘twakomana namo’? (Meko 17:17) Kwa ngelekany’o, Litia atw’ĩkie mũmanyĩw’a nĩkwĩthĩwa mũtũmwa Vaulo nĩwatavanasya na kĩthito.—Meko 16:13-15.
“Kĩoko vuĩa mbeũ syaku, na wĩoo ndũkasiĩĩe kw’oko kwaku” (Mũta 11:6)
ĨLOELEI VITIO YĨ NA KYONGO, ENDEEA KŨTAVANY’A ‘ŨTE KŨEKA’—ĨLA WĨ MAŨNDŨNĨ MAKU NA NYŨMBA NA NYŨMBA, NA ĨNDĨ MŨISŨNGĨA MAKŨLYO AA MAATĨĨE:
-
Samuel oonanisye ata kana nĩweethĩawa na kĩthito wĩanĩ wa kũtavany’a e maũndũnĩ make ma kĩla mũthenya?
-
Nĩkĩ no nginya twĩthĩwe na wũmĩĩsyo ũtavany’anĩ o na ethĩwa twĩtũmĩa nzĩa syĩva?
-
Naaũ ũtonya kũtavya ũvoo mũseo wa Ũsumbĩ wĩ maũndũnĩ maku ma kĩla mũthenya?
KŨMANYĨSYA
Ve maũndũ angĩ mendekaa nĩ kana tũtw’ĩkĩthye andũ amanyĩw’a eka o kũmatiĩa mavuku. Nĩ kana tũmatetheesye meke maendeeo ma kĩ-veva, nĩtwaĩle kũmasyokea na kũmamanyĩsya Mbivilia. (1Ako 3:6-9) Nao nata ethĩwa mũndũ ũla tũũmanyĩasya ũw’o ndaneka maendeeo? (Mt 13:19-22) Nĩtwaĩle kũendeea kũmantha andũ ala ngoo syoo iilyĩ ta ‘mũthanga mũseo.’—Mt 13:23; Meko 13:48.
“Nyie nĩnavandie, na Avolo nĩwanyithisye; ĩndĩ nĩ Ngai wĩanĩtye” (1Ako 3:6)
ĨLOELEI VITIO YĨ NA KYONGO, ENDEEA KŨTAVANY’A ‘ŨTE KŨEKA’—KŨLA KWĨTHĨAWA ANDŨ AINGĨ NA TW’ĨKĨTHYA ANDŨ AMANYĨW’A, NA ĨNDĨ MŨISŨNGĨA MAKŨLYO AA MAATĨĨE:
-
Solomon na Mary mang’ithisye ata mbeũ sya ũw’o ila syaĩ ngoonĩ ya Ezekiel na Abigail?
-
Twaĩle kwĩthĩwa na kĩeleelo kĩva o na ĩla tũũtavany’a kũla kwĩthĩawa andũ aingĩ?
-
Nĩ kwa nzĩa syĩva tũtonya kwĩkĩa kĩthito mũno nĩ kana tũmanyĩsye andũ ũw’o?
