Yelemia nĩwanengiwe wĩa wa kũkany’a Ayuti ĩũlũ wa wanangĩko ũla wameteele nũndũ nĩmoolĩtwe nĩ Ngai woo, Yeova. (Yel 13:25) Nĩ kyaũ kyatumie mbaĩ ĩsu yĩthĩwa ĩte na ngwatanĩo nzeo na Yeova? Mĩsyĩ ya Aisilaeli ndyaĩ na ngwatanĩo nzeo na Yeova. Nĩvatonyeka ũkethĩa aũme mayaatĩĩaa mwolooto wa Yeova ũla wĩ ĩvukunĩ ya Kũtũngĩlĩlwa Kwa Mĩao 6:5-7, ĩla meũtongoesya mĩsyĩ yoo.

Ĩla mĩsyĩ yeethĩwa yĩ ndũmu kĩ-veva, ikundi sya Kĩklĩsto syĩthĩawa syĩ ndũmu. Aũme Aklĩsto no matetheesye mĩsyĩ yoo ĩmũlilikanae Yeova kwa kwĩthĩwa na Ũthaithi wa Mũsyĩ mateũtĩĩa, na kũwĩkaa ũndũ vaĩle. (Sav 22:27) Ĩtina wa kwĩloela vitio ‘Ndeto Ii Syĩthĩwe Ngoonĩ Yaku’—Ũneenany’a na Andũ ma Mũsyĩ, sũngĩai makũlyo aa:

• Mĩsyĩ ĩmwe yĩkĩte ata nĩ kana ĩsinde mawetu ala matonya kũtuma ĩtethĩwa na ũthaithi wa mũsyĩ?

• Nĩ moathimo meva tũtonya kũkwata tweethĩwa na Ũthaithi wa Mũsyĩ tũteũtĩĩa, na twawĩka ũndũ vaĩle?

• Nĩ mawetu meva makonetye ũthaithi wa mũsyĩ nĩthĩawa namo, na nĩvangĩte kwĩka ata nĩ kana nĩmasinde?