Avalaamu na Sala maĩ ngelekany’o nzeo ya andũ matwaanĩte ala manenganĩte ndaĩa na mendanĩte. (Mwa 12:11-13; 1Vt 3:6) O na ũu wĩ o vo, maĩ andũ me na naĩ na yaĩ no nginya momĩĩsye maũndũ maingĩ mũtwaanonĩ woo. Nĩ maũndũ meva andũ ala matwaanĩte matonya kwĩmanyĩsya masũanĩa ũndũ Avalaamu na Sala mekalanasya?

Eai ngewa nesa. Yĩla ũla ũtwaanĩte nake waneena ndeto athatĩte, mũsũngĩe kwa wĩnyivyo. (Mwa 16:5, 6) Manthai ĩvinda ya kũtindany’a ĩmwe. Ĩka maũndũ na ũineena ndeto sya kũĩkĩĩthya ũla ũtwaanĩte nake kana nũmwendete. Na ũndũ ũla wa vata mũno mwaĩle kwĩka nĩ kwĩthĩwa na ngwatanĩo ndũmu na Yeova kwa kwĩmanyĩsya, kũvoya, na kũthaitha mwĩ vamwe. (Mũta 4:12) Nĩ kana mũndũ ethĩwe na mũtwaano mũlũmu, no nginya amũnenge Yeova ndaĩa, ũla nĩwe Mwambĩlĩlya wa mũtwaano.

ĨLOELEI VITIO YĨ NA KYONGO ŨNDŨ TŨTONYA KŨLŨLŨMĨĨLYA MŨTWAANO, NA ĨNDĨ MŨISŨNGĨA MAKŨLYO AA MAATĨĨE:

• Nĩ maũndũ meva woona vitionĩ ĩsu moonany’a kana ngwatanĩo ya Shaan na Kiara yaendeee kũthũka?

• Nĩkĩ kũneena kuma ngoonĩ na ũteũvithany’a kĩndũ nĩ kwa vata mũno nthĩnĩ wa mũtwaano?

• Ngelekany’o ya Avalaamu na Sala yatetheeisye Shaan na Kiara ata?

• Nĩ matambya meva Shaan na Kiara moosie nĩ kana malũlũmĩĩlye mũtwaano woo?

• Nĩkĩ andũ ala matwaanĩte mataĩle kũsũanĩa kana mũndũ ũla matwaanĩte nake aĩle kwĩka maũndũ ateũvĩtya?