Anhte Yehowa ra sharawng ai hpe lu mayu yang, kaga ahkyak ai marai langai a ga hpe mung, madat ra ai. Adam hpe nhpan shi yang, shaning law law kaw nna, Yehowa gaw sumsing lamu hta, hpung kaba ai wenyi hkum langai hpe hpan da ai.

Aten du jang, shi hpe Mari ngu ai hkawn sek langai kaw na, Belehem mare hta shangai na matu, Yehowa galaw dat ai. Dai ma hpe Yesu ngu nna shamying ai.—Yawhan 6:38.

Yesu gaw, shinggyim masha hku nna, Karai Kasang a atsam ning ja ni hpe, kaja dik htum madun wa sai. Shi gaw matsan dum chye ai, tsawra myit rawng nna hku hkau loi ai. Yehowa hte seng ai teng man ai lam ni hpe, gwi gwi sharin ya ai.

Yuda makam masham ningbaw ni gaw, Yesu hpe nju ma ai. Hpa majaw nga yang, shanhte a shut shai ai, sharin achyin lam ni hte nhkru ai amu ni hpe, Yesu shapraw dan ai majaw re.

Yesu gaw machyi ai ni hpe tsi shamai ya nna, si mat ai masha nkau mi hpe, bai jahkrung ya ai.

Yuda makam masham ningbaw ni gaw, Yesu hpe kayat zingri nna sat kau na matu, Roma hpyen la ni hpe gung lau ya ai.