Ɛiwen wid i k-d-yeţḥessisen ad ţmeyyizen ɣef wayen i ţḥussun d wayen is i ţţamnen. Efk-asen isteqsiyen n umeyyez akken a ten-tɛiwneḍ ad fehmen ayen i ţḥussun.

Beggen-ed tumneḍ belli ayen i xeddmen wid i k-d-yeţḥessisen xeddmen-t seg wul. Ɛiwen wid i k-d-yeţḥessisen ad nadin ad fehmen acuɣer i xeddmen lecɣal yelhan. Atentan ssebbat ara ten-yeţwellihen ad xeddmen lecɣal-agi: leḥmala-nsen i Yahwa, leḥmala i lɣir-nsen d leḥmala i wayen yesselmad Wedlis Iqedsen. Ɛiwen-iten daɣen ad steɛṛfen s wayagi. Ur ten-ţḥeccim ara, meɛna ɛiwen-iten ad walin lekyasa yellan deg Wedlis Iqedsen. Ur ten-ţlummu ara; m’ara tfakkeḍ ayen i tesselmadeḍ, ilaq ad ḥussen belli tesseǧhdeḍ-ten yerna tweṣṣaḍ-ten ad xedmen ayen umi zemren.

Ɛiwen wid i k-d-yeţḥessisen ad ţţarran ddehn-nsen ɣer Yahwa. Ssexdem ayen yesselmad Wedlis Iqedsen, imenzayen-is akk-d lumuṛ-is, bac a d-tbeggneḍ yis-sen ṣṣifat n Yahwa akk-d leḥmala i ɣ-iḥemmel. Ɛiwen-iten daɣen ad ţţaken azal i wayen i geţḥussu Yahwa w’ad bɣun a t-ssefṛḥen.