Acḥal n Inagan n Yahwa i tessneḍ? Ahat d lǧiran-​ik, d wid ukud i txeddmeḍ neɣ d wid ukud i teqqareḍ. Neɣ balak kra seg-​sen usan-​d a k-​d-​hedṛen ɣef Wedlis Iqedsen. Di tin n ṣṣeḥ, menhu-​yaɣ? Ayɣer i nheddeṛ i medden meṛṛa ɣef wayen is i neţţamen?

Akken i llan medden meṛṛa i nella. Nekka-​d si mkul ccetla, yerna mxallafent liḥalat ideg i d-​nekker. Kra seg-​neɣ llan ttabaɛen ddin nniḍen, ma d wiyaḍ ur llin ara ţţamnen s Ṛebbi. Meɛna, uqbel a nuɣal d Inagan, akken ma nella nqelleb mliḥ a nissin ayen yesselmad Wedlis Iqedsen. (Lecɣal 17:11) Ayen i d-​nelmed iqenneɛ-​aɣ. Ihi, yal yiwen deg-​neɣ yextaṛ s yiman-​is ad yeɛbed Yahwa Ṛebbi.

Leqraya n Wedlis Iqedsen tneffeɛ-​aɣ. Nesɛa iɣeblan d leɛyub am lɛibad meṛṛa. Meɛna imi nxeddem lmeǧhud akken a nṭebbeq yal ass imenzayen n Wedlis Iqedsen, nufa belli teţwenniɛ nezzeh temɛict-​nneɣ. (Ahellil 128:1, 2) D leḥwayeǧ am tigi i ɣ-​yeǧǧan nheddeṛ i wiyaḍ ɣef wayen icebḥen i nufa deg Wedlis Iqedsen.

Lumuṛ i nettabaɛ kkan-​d sɣur Ṛebbi. Lumuṛ-​agi, yellan deg Wedlis Iqedsen, ţţawin-​d liser d leqder akk-​d ṣṣifat nniḍen am ṣṣfawa d leḥnana. Ssawaḍen imdanen ad ilin d ixeddamen n lɛali yerna yesɛan ṛṛzana; ţweṣṣin ɣer tdukli di twacult akk-​d tikli tazedgant. Imi neţţuqenneɛ belli Ṛebbi “ur ixeddem ara maḥyaf ger yemdanen”, nuɣal d yiwet n twacult yellan di ddunit kamel, neddukkel s wayen is i neţţamen. Tawacult-​agi-​nneɣ tekka nnig n tlisa i d-​iţwaxelqen ɛlaǧal n tsertit akk-​d lxilaf ger ccetlat. Mkul yiwen deg-​neɣ d amdan menwala, meɛna, s lekmal-​nneɣ, nella d agdud ur necbi wayeḍ.—Lecɣal 4:13; 10:34, 35.

• Acuɣer i nezmer a d-​nini belli Ina gan n Yahwa cuban ɣer lɛibad meṛṛa?

• Acu i d-​ţţawin lumuṛ i d-​lemden Inagan n Yahwa seg Wedlis Iqedsen?