TIMEƔRI TIS 06
Amek i tebda tudert?
Ṛebbi d “lɛinṣer n tudert” (Ahellil 36:10). Tumneḍ s wayagi? Kra ɣilen belli tudert tennulfa-d kan akka weḥd-es yerna ur tesɛi ara lmeɛna. Acu kan, ma d Ṛebbi i ţ-id-ixelqen, mebla ccekk tesɛa lmeɛna a. Di tmeɣri-yagi, aţ-ţwaliḍ ɛlaḥsab n Wedlis Iqedsen, ansi i d-tekka tudert, aţ-ţwaliḍ daɣen acuɣer i nezmer a namen s wayen i gesselmad.
1. Amek i d-yennulfa wayen akk yellan?
Adlis Iqedsen yenna-d: “Di tazwara, Illu yexleq igenwan d lqaɛa” (Laṣel n ddunit 1:1). Amur ameqran n imusnawen qqaren-d belli ayen akk yellan yesɛa tazwara. Amek i d-yexleq Ṛebbi ayen akk yellan? Yessexdem ‘ṛṛuḥ-is’ iqedsen, yeɛni tazmert-is. Ɣef lemtel, akka i d-yexleq itran akk-d lqaɛa (Laṣel n ddunit 1:2).
2. Ayɣer i d-yexleq Ṛebbi lqaɛa?
Yahwa ‘ur d-ixliq ara lqaɛa iwakken aţ-ţexlu, lameɛna iwakken aţ-ţeɛmeṛ’ (Icɛaya 45:18). Ixleq-ed lqaɛa-yagi akken ad ɛicen deg-s lɛibad di laman yerna i dayem (ɣer-ed Icɛaya 40:28; 42:5). Ula ţ-ţussna tessefham-ed belli ulac d acu i gecban lqaɛa. Ḥaca neţţat kan i gkesben ayen i glaqen akken ad iɛic deg-s wemdan.
3. Deg wacu i xulfen yemdanen ɣef lḥiwan?
Mbeɛd mi d-yexleq Yahwa lqaɛa, ixleq-ed daɣen tudert. Di tazwara, ixleq-ed lḥiwan akk-d yemɣan (am leḥcic akk-d ttjuṛ). Mbeɛd, Ṛebbi “yexleq amdan ɣef ṣṣifa-s” (ɣer-ed Laṣel n ddunit 1:27). Acuɣer i nemxallaf nekni s lɛibad ɣef lḥiwan? Axaṭer neţwaxleq-ed ɣef ṣṣifa n Ṛebbi, yeɛni nezmer a d-nbeggen ṣṣifat-is, am leḥmala akk-d lḥeqq. Ixleq-aɣ-d daɣen akken a nizmir a nḥeffeḍ lluɣat w’a nḥemmel ccna akk-d lmusiqa. Yerna nekni mačči am lḥiwan, nezmer a neɛbed Axellaq-nneɣ.
A NNADI A NEFHEM AKTEṚ
A nwali leḥwayeǧ i d-yeţbegginen belli tudert teţwaxleq-ed yerna ayen i d-yeqqar Wedlis Iqedsen yella fell-as leţkal. A nwali daɣen d acu i ɣ-sselmadent ṣṣifat n yemdanen ɣef Ṛebbi.
4. Tudert teţwaxleq-ed
M’ara d-yesnulfu wemdan kra n lḥaǧa yeţţemcabin ɣer wayen yellan di txelqit, neţţarra-yas ccan. Meɛna, anwa i guklalen ccan ɣef wayen akk i d-yeţwaxelqen di tazwara? Walit BIDYU-YAGI, mbeɛd hedṛet ɣef westeqsi-yagi:
-
Acu-tent leḥwayeǧ i d-yesnulfa wemdan yeţţemcabin ɣer wayen yellan di txelqit?
Axxam ibedden, mebla ccekk yella win i t-yebnan. Meɛna, anwa i gebnan leḥwayeǧ akk i neţţaf di txelqit? Ɣret-ed Iɛebṛaniyen 3:4, mbeɛd hedṛet ɣef yesteqsiyen-agi:
-
I kečč, d acu i k-yessewhamen mliḥ di txelqit?
-
Nezmer a namen belli yella win i d-ixelqen ayen akk yellan, ama deg igenwan ama di lqaɛa? Acuɣer?
Tɛelmeḍ?
Deg wesmel jw.org, aţ-ţafeḍ ayen ara teɣreḍ d wayen ara tfeṛṛǧeḍ ɣef temsalt-agi deg weḥric yeţţusemman Évolution ou conception ? [Yeţwaxleq-ed neɣ yennulfa-d weḥd-es?] akk-d Points de vue sur l’origine de la vie [Ayen i ţxemmimen ɣef wansi i d-tekka tudert].
‘Mkul axxam, yella win i t-ibnan; lameɛna win yebnan kullec, d Ṛebbi.’
5. Nezmer a namen s wayen i d-yeḥka Wedlis Iqedsen ɣef txelqit
Di Laṣel n ddunit ixef amezwaru, Adlis Iqedsen yessefham-ed ansi i d-tekka lqaɛa d wansi i d-tekka tudert. Nezmer a namen s wayen akka i d-yeḥka, neɣ ţ-ţimucuha kan? Walit BIDYU-YAGI, mbeɛd hedṛet ɣef yesteqsiyen-agi:
-
Yesselmad Wedlis Iqedsen belli lqaɛa akk-d tudert ţwaxelqen-d di seţţa wussan n 24 sswayeɛ?
-
Ɛlaḥsab-ik, ayen i d-iqqar Wedlis Iqedsen ɣef wamek i d-teţwaxleq ddunit iṣeḥḥa yerna iqebbel-it leɛqel? Acuɣer?
Ɣret-ed Laṣel n ddunit 1:1, mbeɛd hedṛet ɣef westeqsi-yagi:
-
Imusnawen qqaren-d belli ayen akk yellan yesɛa tazwara. D acu i tenniḍ, yeɛdel wayagi d wayen akka i d-teɣriḍ deg Wedlis Iqedsen?
Kra bɣan ad ẓren ma yella Ṛebbi ixleq-ed tudert di tazwara, mbeɛd tennerna weḥd-es armi i tuɣal d ayen nniḍen. Ɣret-ed Laṣel n ddunit 1:21, 25, 27, mbeɛd hedṛet ɣef yesteqsiyen-agi:
-
Eɛni yesselmad Wedlis Iqedsen belli Ṛebbi ixleq-ed tudert di tazwara, mbeɛd teţnerni weḥd-es armi i tuɣal d aḥutiw, mbeɛd d lḥiwan yessuṭṭuḍen, mbeɛd d lɛebd? Neɣ yesselmad belli Ṛebbi ixleq-ed ayen akk yeddren, mkul yiwen s “ṣṣenf-is”?
6. Ger lexliqat akk yellan, ulac win yecban lɛebd
Yahwa ixleq-aɣ-d nemxallaf ɣef lḥiwan. Ɣret-ed Laṣel n ddunit 1:26, mbeɛd hedṛet ɣef westeqsi-yagi:
-
Neţwaxleq-ed akken a nizmir a nḥemmel yerna a nili d iḥninen. Imi i d-neţwaxleq ɣef ṣṣifa n Ṛebbi, d acu i d-yesbeggin wayagi ɣef Uxellaq-nneɣ?
KRA QQAREN: “Ayen i d-yeqqar Wedlis Iqedsen ɣef wamek i d-teţwaxleq ddunit ţ-ţimucuha kan.”
-
I kečč, d acu i tenniḍ? Acuɣer?
AYEN I D-NELMED
Yahwa ixleq-ed igenwan akk-d lqaɛa, ixleq-ed daɣen ayen akk yeddren.
A d-nesmekti
-
D acu i gesselmad Wedlis Iqedsen ɣef wansi i d-yekka wayen akk yellan?
-
Eɛni ixleq-ed Ṛebbi tudert di tazwara, mbeɛd yeǧǧa-ţ tennerna weḥd-es armi i tuɣal d lxuluq nniḍen? Neɣ d neţţa i d-ixelqen kullec, mkul yiwen s ṣṣenf-is?
-
Acuɣer i xulfen yemdanen ɣef lḥiwan?
TZEMREḌ AŢ-ŢWALIḌ DAƔEN
Wali kra n lemtul i d-yeţbegginen belli taxelqit tesɛa axellaq.
Wali amek i d-yessefham yiwen ubabat i mmi-s amecṭuḥ ayen i d-iqqar Wedlis Iqedsen ɣef txelqit.
Yeɛdel wayen yeţwaketben deg Wedlis Iqedsen akk-d uselmed i d-yeqqaren belli ddunit tennerna kan weḥd-es?
Dieu s’est-il servi de l’évolution pour créer les différentes formes de vie ? (di jw.org)
Wali ma yella ayen i d-ufan imusnawen yesbeggin-ed belli ddunit teţwaxleq-ed neɣ tennerna kan weḥd-es.
Cinq questions à se poser sur l’origine de la vie (tareẓẓit)
a Di tmeɣri tis 25 aţ-ţwaliḍ d acu i geqsed Ṛebbi i yemdanen.
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
