TIMEƔRI TIS 31
D acu i ţ-ţagelda n Ṛebbi?
Ayen iɣef i d-yehdeṛ Wedlis Iqedsen si tazwara almi ţ-ţaggara yeɛna Tgelda n Ṛebbi. S Tgelda-yagi ara d-yesseḍru Yahwa ayen yeqsed i lqaɛa asmi i ţ-id-yexleq. D acu i ţ-ţagelda n Ṛebbi? Amek i neẓra belli yebda leḥkem n Tgelda-yagi? D acu i tessaweḍ texdem-it? D acu ara texdem ɣer zdat? Timeɣri-yagi akk-d snat nniḍen ara d-itebɛen a d-rrent leǧwab ɣef yesteqsiyen-agi.
1. D acu i ţ-ţagelda n Ṛebbi, yerna anwa i d agellid-is?
Tagelda n Ṛebbi d lḥukuma i gesbedd Yahwa. Yesbedd Ɛisa Lmasiḥ d agellid ara d-iḥekmen seg igenni (Matta 4:17; Yuḥenna 18:36). Adlis Iqedsen yenna-d belli Ɛisa “ad iḥkem [...] i dayem” (Luqa 1:32, 33). Ad yeḥkem ɣef imezdaɣ n lqaɛa meṛṛa.
2. Anwa ara iḥekmen akk-d Ɛisa?
Mačči weḥd-es kan ara yeḥkem Ɛisa. Adlis Iqedsen yenna-d belli Ṛebbi yextaṛ-ed “imdanen si mkul lɛeṛc, si mkul tutlayt, si mkul agdud, si mkul lǧens” iwakken ad uɣalen ‘d igelliden w’ad ḥekmen ddunit’ (Aweḥḥi 5:9, 10). Acḥal yid-sen? Seg wasmi i d-yusa Ɛisa ɣer lqaɛa, d imelyan n lɛibad i guɣalen d inelmaden-is. Lameɛna, ur ţţalin ara akken ma llan s igenni bac ad ḥekmen yid-es. Ḥaca 144 000 ara iḥekmen akk-d Ɛisa (ɣer-ed Aweḥḥi 14:1-4). Wid akk nniḍen ad ɛicen ɣef lqaɛa ddaw n leḥkem n Tgelda-yagi (Ahellil 37:29).
3. Ayɣer i tugar Tgelda n Ṛebbi lḥukumat meṛṛa n yemdanen?
Xas akken llan ineḥkamen i gebɣan ad xedmen ayen yelhan i cceɛb-nsen, ur sɛin ara tazmert akken ad xedmen ayen akk i bɣan. M’ara iɛeddi lweqt, ţţenkaren-d ineḥkamen nniḍen deg wemkan-nsen yerna lketṛa seg-sen ur ṣfin ara. Lameɛna Ɛisa, agellid n Tgelda n Ṛebbi, d lmuḥal ad yeḥkem wayeḍ deg wemkan-is. Ṛebbi yesbedd yiwet n “tgelda ur nɣelli ara, i dayem” (Danyil 2:44). Uyerna Ɛisa, ara iḥekmen ɣef lqaɛa meṛṛa, ur ixeddem ara maḥyaf. Yeččuṛ d leḥmala, d aḥeqqi yerna yelha. Ihi, ad yesselmed i lɛibad n ddunit meṛṛa ad kesben ṣṣifat i gekseb neţţa: leḥmala, lehhu akk-d lḥeqq (ɣer-ed Icɛaya 11:9).
A NNADI A NEFHEM AKTEṚ
A nwali ayɣer i tif Tgelda n Ṛebbi lḥukumat meṛṛa n lɛibad.
4. Lḥukuma iǧehden ara iḥekmen ddunit meṛṛa
Ɛisa Lmasiḥ yeɣleb ineḥkamen n ddunit meṛṛa, ama d wid n zik ama d wid n tura. Ɣret-ed Matta 28:18, mbeɛd hedṛet ɣef westeqsi-yagi:
-
Acu n lxilaf yellan ger leḥkem n Ɛisa akk-d leḥkem n yemdanen?
Lḥukumat n yemdanen zgant ţbeddilent, yerna mkul yiwet deg-sent teḥkem yiwet n lǧiha kan n ddunit. Meɛna, d acu ara d-nini ɣef Tgelda n Ṛebbi? Ɣret-ed Danyil 7:14, mbeɛd hedṛet ɣef yesteqsiyen-agi:
-
Leḥkem n Tgelda n Ṛebbi ‘ur ifennu ara’. Acuɣer i gelha wayagi?
-
Tagelda n Ṛebbi aţ-ţeḥkem ddunit meṛṛa. Acuɣer i gelha wayagi?
5. Ilaq ad ibeddel leḥkem n yemdanen
Acuɣer i glaq aţ-ţuɣal Tgelda n Ṛebbi deg wemkan n lḥukumat n yemdanen? Walit BIDYU-YAGI, mbeɛd hedṛet ɣef westeqsi i d-iţeddun.
-
S wacu i d-yegla leḥkem n yemdanen?
Ɣret-ed Amusnaw 8:9, mbeɛd hedṛet ɣef westeqsi-yagi:
-
Ɛlaḥsab-ik, acuɣer i glaq aţ-ţuɣal Tgelda n Ṛebbi deg wemkan n lḥukumat n yemdanen?
6. Ineḥkamen n Tgelda n Ṛebbi zemren a ɣ-fehmen
Ɛisa, Agellid n Tgelda n Ṛebbi, iɛac d amdan ɣef lqaɛa. Yezmer ihi ad iḥunn fell-aneɣ yerna “ad ifhem ḍɛafat-nneɣ”, yeɛni lexṣaṣ-nneɣ (Iɛebṛaniyen 4:15). Ma d 144 000 n yergazen ţ-ţlawin i gextaṛ Yahwa akken ad ḥekmen akk-d Ɛisa kkan-d “si mkul lɛeṛc, si mkul tutlayt, si mkul agdud, si mkul lǧens” (Aweḥḥi 5:9).
-
D acu i teţḥussuḍ imi teẓriḍ belli Ɛisa akk-d 144 000 n yergazen ţ-ţlawin ara iḥekmen yid-es zemren ad fehmen iɣeblan-ik akk-d lḥisas-ik?
Irgazen akk-d tlawin i gextaṛ Yahwa akken ad ḥekmen d Ɛisa kkan-d si mkul lǧens.
7. Tagelda n Ṛebbi tesɛa leqwanen yifen akk leqwanen n yemdanen
Lḥukumat n yemdanen ssufuɣent-ed leqwanen i nnfeɛ n cceɛb-nsent. Tagelda n Ṛebbi daɣen tesɛa leqwanen i glaq ad yetbeɛ wegdud-is. Ɣef lemtel, 1 Ikurintiyen 6:9-11 yenna-d: “[Wid ixeddmen lɛaṛ], wid yeţɛebbiden lmeṣnuɛat, wid izennun, icehwaniyen, irgazen i gxeddmen lɛaṛ gar-asen, imakwaren, iṭemmaɛen, isekṛaniyen, wid ireggmen, imeḥwaṣen, yiwen deg-sen ur iweṛṛet tagelda n Yillu. Akka i llan kra seg-wen; lameɛna turadem, teţwaɛezlem-d d imqeddsen.” Hedṛet ɣef yesteqsiyen-agi:
-
Ɛlaḥsab-ik, amek ara tuɣal ddunit asm’ara ttabaɛen lɛibad meṛṛa leqwanen n Ṛebbi a?
-
Ar ɣur-ek, yesɛa lḥeqq Yahwa imi i geṭṭalab i iqeddacen-is yellan ddaw n leɛnaya n Tgelda ad qadren leqwanen-agi? Ayɣer?
-
D acu i d-yeţbegginen belli wid ur nettabaɛ ara leqwanen-agi n Ṛebbi zemren ad beddlen?
Lḥukumat n ddunit sɛant leqwanen inefɛen imdanen. Tagelda n Ṛebbi tesɛa leqwanen yifen leqwanen-agi n yemdanen.
MA YELLA WIN I K-ID-YESTEQSAN: “D acu i ţ-ţagelda n Ṛebbi?”
-
Amek ara s-tǧawbeḍ?
AYEN I D-NELMED
Tagelda n Ṛebbi d lḥukuma n ṣṣeḥ yellan deg igenni. Ur teţɛeṭṭil ara aţ-ţeḥkem ɣef lqaɛa irkelli.
A d-nesmekti
-
Menhu yakk ara iḥekmen di Tgelda n Ṛebbi?
-
Ayɣer i tugar Tgelda n Ṛebbi lḥukumat meṛṛa n yemdanen?
-
Yahwa yeṭṭalab i iqeddacen-is yellan ddaw n leɛnaya n Tgelda-s ad qadren leqwanen-is. Tzemreḍ a d-tbedreḍ kra si leqwanen-agi?
TZEMREḌ AŢ-ŢWALIḌ DAƔEN
Wali d acu i gesselmed Ɛisa ɣef wanda i tella Tgelda n Ṛebbi.
Wali ayen akk i xedmen Inagan n Yahwa akken ad ddun si lǧiha n Tgelda n Ṛebbi.
Wali ayen i gesselmad Wedlis Iqedsen ɣef 144 000 n yemdanen i gextaṛ Yahwa ad ḥekmen akk-d Ɛisa.
Wali d acu i gqennɛen yiwet n tmeṭṭut yellan di lḥebs belli siwa Ṛebbi ara izerɛen lḥeqq di ddunit.
J’ai découvert la solution à l’injustice (Réveillez-vous !, novembre 2011)
a A nwali kra si leqwanen-agi deg weḥric wis 3.
Tzemreḍ aţ-ţwaliḍ daɣen…
ISTEQSIYEN I D-IŢŢUƔALEN DIMA
Amek i sɣarayen Inagan n Yahwa Adlis Iqedsen?
M’ara teɣreḍ baṭel Adlis Iqedsen akk-d Inagan n Yahwa, tzemreḍ aţ-ţessexdmeḍ adlis-ik iqedsen w’a d-tɛerḍeḍ iɛeggalen n twacult-ik neɣ leḥbab-ik.
