გამწვანებაზე მომუშავე ჯგუფმა ნეკერჩხლისა და მუხის ნერგები მოიტანა. უორიკში მთავარი სამმართველოს ტერიტორიაზე 1400-ზე მეტი ხე დაირგვება.

სამშენებლო პროექტზე მომუშავეები ესწრებიან ქრისტეს სიკვდილის გახსენების საღამოს, რომელსაც იეჰოვას მოწმეები ყოველწლიურად აღნიშნავენ მთელ მსოფლიოში. შეხვედრას სულ 384 ადამიანი დაესწრო.

ხელოსნები ამონტაჟებენ ფანჯრებს სადარაჯო ჯიხურში. აქ მომუშავე პერსონალის მოვალეობა იქნება: სტუმრების მიღება, ტერიტორიის დაცვა და ავტომობილების შესვლა-გამოსვლის კონტროლი.

მამა-შვილი მეორე სართულის დერეფანში აგებს ასაწყობ ხალიჩას. ასეთი ტიპის ხალიჩა მასიურად იქნა გამოყენებული იმ ადგილებში, სადაც ინტენსიური მოძრაობაა. თუ ხალიჩის რომელიმე ნაწილი დაზიანდება, ადვილი იქნება მისი გამოცვლა.

მშენებლები ტიხრებით აწყობენ საოფისე ოთახებს. საჭიროების შემთხვევაში შესაძლებელი იქნება მათი დაშლა და გადაკეთება.

მიმღებთან განთავსებულ საერთო საპირფარეშოში მიმდინარეობს წინამოსამზადებელი სამუშაოები უნიტაზებისა და ტიხრების დასამონტაჟებლად.

მიმდინარეობს საწვრთნელი ვარჯიში. ფილიალის სახანძრო-სამაშველო ბრიგადა ემზადება ცეცხლის ლოკალიზებისთვის. თუ საგანგებო სიტუაცია შეიქმნება, მეხანძრეები შეძლებენ დაუყოვნებლივ მოახდინონ რეაგირება და დაიცვან ფილიალის შენობები და იქ მომუშავე პერსონალი. ამასთანავე, საჭირო აღარ გახდება ადგილობრივი სამაშველო სამსახურის გამოძახება.

სასადილოში ოფიციანტი ეხმარება მშენებლებს ადგილების პოვნაში. ამ სასადილოში პირველად ჩატარდა დილის თაყვანისცემა, რომელიც პირდაპირი ტრანსლაციით გადმოიცემოდა.

მოხალისე თვითრეგულირებადი ლაზერული ნიველირით ასწორებს მიმართულების მაჩვენებლებს. მთლიანობაში 2 500 ასეთი ნიშანი დამონტაჟდება ფილიალის ტერიტორიაზე ბეთელელებისა და სტუმრებისთვის.

შემდუღებელი ამონტაჟებს მიმღებიდან დარბაზში ჩასასვლელი მთავარი კიბის მოაჯირს. სურათზე ჩანს ცეცხლგამძლე ნაჭერი, რომელიც შედუღების პროცესში კედელს დაზიანებისგან იცავს.

ხელოსანი ერთ-ერთი საგამოფენო დარბაზის შესასვლელთან თაბაშირ-მუყაოს კედლებზე ბოლო სამუშაოებს ასრულებს. ამ დარბაზში მოეწყობა გამოფენა „ცოცხალი რწმენა“, რომელსაც დამთვალიერებლები ექსკურსიამძღოლის გარეშე გაეცნობიან. თითოეულ საგამოფენო დარბაზში წარმოდგენილი იქნება შესაბამისი არქიტექტურული ელემენტები.

მიმდინარეობს ბეტონის იატაკის პოლირება. ზედაპირის ასეთი სახით დამუშავება ამკვრივებს და გამძლეს ხდის ბეტონს. გარდა ამისა, პოლირებულ იატაკზე არ წარმოიქმნება მტვერი და არ რჩება საბურავის კვალი.

ხელოსნები მიმღების შესასვლელს მინით ხურავენ. ნახევრადგამჭვირვალე პანელების მეშვეობით შესასვლელი განათებული და მზის მცხუნვარებისგან დაცული იქნება.

ცოლ-ქმარი გრანიტის ფილებს აგებს ერთ-ერთი საგამოფენო დარბაზის შესასვლელში. ამ დარბაზში განთავსდება გამოფენა სახელწოდებით „ბიბლია და ღვთის სახელი“.

მოხალისე ამონტაჟებს სკამებს მთავარ დარბაზში, სადაც ოჯახური თაყვანისცემა და სხვა სულიერი ღონისძიებები ჩატარდება. მთლიანობაში ამ დარბაზში 1 018 სკამი დამონტაჟდა.

მიმღებში დურგლები, ელექტრიკოსები და სხვა მოხალისეები ამონტაჟებენ აბრას წარწერით „იეჰოვას მოწმეების მსოფლიო მთავარი სამმართველო“.

მოხალისეებმა მშენებლებისთვის სასმელი წყალი მოიტანეს. ცხელ ამინდებში მშენებლებს ხშირად შეახსენებდნენ, რომ გაუწყლოების თავიდან ასარიდებლად საკმარისი რაოდენობის სითხე მიეღოთ.

ხელოსანი ამონტაჟებს ვიტრინას, სადაც განთავსდება ბიბლიის იშვიათი ექსპონატები. გამოფენაზე „ბიბლია და ღვთის სახელი“ წარმოდგენილ ექსპონატებს დროდადრო დაემატება სხვა ბიბლიები და ბიბლიური არტეფაქტები.

პროექტორის დახმარებით ხელოსანი მიმღებში განთავსებულ რუკაზე ავსტრალიისა და სამხრეთ-აღმოსავლეთ აზიის კუნძულების გამოსახულებებს ამატებს. კედელზე წარწერა „იეჰოვას მოწმეები“ დაახლოებით 700 ენაზეა მოცემული.

ბეთელელები ესწრებიან შეხვედრას, სადაც ახალი ტერიტორიის თავისებურებებსა და უსაფრთხოებასთან დაკავშირებულ საკითხებს ეცნობიან.

JW მაუწყებლობის სტუდიაში ავიამექანიკოსები ამონტაჟებენ განათებას. სტუდიისთვის განკუთვნილი ძირითადი ინვენტარი ბრუკლინიდან უორიკში გადმოიტანეს.

ელექტრიკოსი დიოდის ნათურებს აყენებს აბრაზე, რომელიც მთავარ შესასვლელთან განთავსდება. ახალ მთავარ სამმართველოში პირველი სექტემბრიდან თითქმის ყველა განყოფილებამ დაიწყო ფუნქციონირება.