იესო ქრისტე არის ოდესმე მცხოვრებთაგან ყველაზე ცნობილი ადამიანი. თუმცა ბევრმა სახელის გარდა მის შესახებ თითქმის არაფერი იცის. იესოზე არაერთი მცდარი შეხედულებაცაა გავრცელებული. საინტერესოა, ბიბლია რას ამბობს მასზე.

1. ვინ არის იესო ქრისტე?

იესო ძლევამოსილი ანგელოზია. ის ღვთის მიერ შექმნილი პირველი ქმნილებაა. ამიტომაც ამბობს ბიბლია, რომ ისაა „ყველა სხვა ქმნილებაზე უწინ შობილი“ (კოლოსელები 1:15). მას ღვთის „მხოლოდშობილი ძეც“ ეწოდება, რადგან ერთადერთი ქმნილებაა, რომელიც იეჰოვამ მარტომ შექმნა (იოანე 3:16). იესო მამის მხარდამხარ შრომობდა და სხვა ყველაფრის შექმნაში ეხმარებოდა (წაიკითხეთ იგავების 8:30). მას იეჰოვასთან დღესაც ახლო ურთიერთობა აქვს. იესოს ეწოდება „სიტყვა“, რაც იმას ნიშნავს, რომ იგი ღვთის წარმომადგენელია, ანუ მის ცნობასა და მითითებებს გადასცემს სხვა ქმნილებებს (იოანე 1:14).

2. რატომ მოვიდა იესო დედამიწაზე?

დაახლოებით 2 000 წლის წინ იეჰოვამ წმინდა სულის მეშვეობით იესოს სიცოცხლე ზეციდან სასწაულებრივად ქალწული მარიამის საშვილოსნოში გადმოიტანა. ასე დაიბადა იესო ადამიანად (წაიკითხეთ ლუკას 1:34, 35). იეჰოვამ იესო დედამიწაზე გამოგზავნა, რათა აღთქმული მესია ანუ ქრისტე გამხდარიყო და კაცობრიობა ეხსნა. a მასზე შესრულდა მესიის შესახებ წარმოთქმული ყველა წინასწარმეტყველება, რისი წყალობითაც ხალხისთვის ცხადი გახდა, რომ იესო იყო „ქრისტე, ცოცხალი ღვთის ძე“ (მათე 16:16).

3. ახლა სად არის იესო?

მიწიერი ცხოვრების დასრულების შემდეგ იესო მკვდრეთით აღდგა, როგორც სულიერი ქმნილება, და ზეცაში დაბრუნდა, სადაც „ღმერთმა ის უფრო მეტად აამაღლა“ (ფილიპელები 2:9). დღეს იესოზე დიდ ძალაუფლებას მხოლოდ იეჰოვა ფლობს.

 5. იესო იყო მესია

 შეჯამება:

იესო ძლევამოსილი ანგელოზია. ის ღვთის ძე და მესიაა.

გასამეორებელი კითხვები:

• რატომ ეწოდება იესოს „ყველა სხვა ქმნილებაზე უწინ შობილი“?

• რას აკეთებდა იესო განკაცებამდე?

• საიდან ვიცით, რომ იესო მესიაა?