ყოველწლიურად მილიონობით ადამიანი კვდება წამალდამოკიდებულების, მათ შორის, ნარკოტიკის მოხმარების გამო. ზოგის შემთხვევაში ზედოზირება იწვევს სიკვდილს, ზოგს კი ჯანმრთელობა ერყევა და ამის გამო დგება ფატალური შედეგი. კოვიდპანდემიის პერიოდში უფრო მეტი ადამიანი მიეჯაჭვა ნარკოტიკებს. თუმცა ბიბლიაში მოცემული ბრძნული რჩევები ბევრს დაეხმარა, გათავისუფლებულიყო ნარკოდამოკიდებულებისგან. თუ არც თქვენთვისაა უცხო ეს პრობლემა, ბიბლია თქვენც დაგეხმარებათ. a

ამ სტატიაშია:

•  რატომ ღირს, დახმარებისთვის ბიბლიას მივმართოთ?

•  ოთხი ბიბლიური რჩევა

•  ამ ბრძოლაში დამხმარე ბიბლიური მუხლები

•  მათი ისტორიები, ვინც ბიბლიის დახმარებით დაძლია ეს ჩვევა

•  კრძალავს ბიბლია ნარკოდამოკიდებულების მკურნალობას?

•  კრძალავს ბიბლია ნარკოტიკის სამედიცინო მიზნით გამოყენებას?

 სპეციალისტების აზრით, არსებობს ფაქტორები, რომლებიც წამალდამოკიდებულების განვითარების რისკს ზრდის, მათ შორისაა: მარტოობის გრძნობა, სტრესი, შფოთვა და დეპრესია. ბიბლია დაგეხმარებათ, ღვთისადმი რწმენა განივითაროთ, რაც, თავის მხრივ, ძალას შეგმატებთ, მოერიოთ მსგავს ემოციურ მდგომარეობას. ბიბლიიდან გაიგებთ, როგორ დაუმეგობრდეთ ღმერთს და მისი დახმარებით, როგორ დაძლიოთ ერთი შეხედვით გადაულახავი პრობლემები (ფსალმუნი 25:14; მარკოზი 11:22—24).

1.  1) გაეცანით შემოქმედს, იეჰოვას b (იოანე 17:3). იეჰოვა ყოველივეს შემოქმედი და ულევი ძალის პატრონია. რაც ყველაზე მთავარია, ის ჩვენი მოსიყვარულე ზეციერი მამაა. მას უნდა, რომ თქვენი მეგობარი გახდეს და თავისი ძალა თქვენ სასიკეთოდ გამოიყენოს (ესაია 40:29—31; იაკობი 4:8). ღმერთი საუცხოო მომავალს გიმზადებთ. ამიტომ დააფასეთ მისი სიყვარული და უარი არ თქვათ მის დახმარებაზე (იერემია 29:11; იოანე 3:16).

2.  2) დახმარებისთვის იეჰოვას მიმართეთ. ილოცეთ და იეჰოვას სთხოვეთ, დაგაძლევინოთ ნარკოდამოკიდებულება, რომ შეძლოთ მას თავი „წმინდა [ანუ სუფთა], მისთვის მოსაწონ მსხვერპლად“ წარუდგინოთ (რომაელები 12:1). ღმერთი სულიწმიდის ანუ წმინდა სულის მეშვეობით მოგცემთ ძალას, „რომელიც ჩვეულებრივს აღემატება“ (2 კორინთელები 4:7; ლუკა 11:13). ეს ძალა დაგეხმარებათ, შეწყვიტოთ ნარკოტიკების მოხმარება და შეიმოსოთ „ახალი პიროვნებით“ (კოლოსელები 3:9, 10).

3.  3) ღვთიური აზრებით აივსეთ გონება (ესაია 55:9). ღვთის დახმარებით აზროვნების შეცვლას შეძლებთ, ეს კი, თავის მხრივ, იმის ძალას მოგცემთ, რომ გათავისუფლდეთ ნარკოტიკების ტყვეობისგან (ეფესოელები 4:23). ღვთის აზრები ბიბლიაშია ჩაწერილი, ამიტომ აუცილებელია, ყოველდღიურად იკითხოთ ეს წიგნი (ფსალმუნი 1:1—3). ბევრს ბიბლიის უკეთ გაგებაში იეჰოვას მოწმეების ინტერაქტიული სასწავლო კურსი დაეხმარა, რომელსაც ყველას უფასოდ ვთავაზობთ, მათ შორის თქვენც (საქმეები 8:30, 31). ჩვენ შეხვედრებსაც ვატარებთ, სადაც ღრმად ვიკვლევთ ბიბლიას და ვმსჯელობთ მის პრაქტიკულ ღირებულებაზე. ამ შეხვედრებზეც გულთბილად გეპატიჟებით.

4.  4) აირჩიეთ კარგი სამეგობრო წრე. მეგობრებს დიდი გავლენა აქვთ ჩვენზე. შესაბამისად, თქვენს პრობლემასთან ბრძოლაში მათ შეუძლიათ ან ხელი შეგიწყონ, ან კიდევ პირიქით (იგავები 13:20). ღვთის თაყვანისმცემლებს ნამდვილი მეგობრობის გაწევა შეუძლიათ, ამიტომ ღმერთს სურს, თქვენც იპოვოთ მათ შორის კარგი მეგობრები, რაც პოზიტიურად აისახება თქვენზე (ფსალმუნი 119:63; რომაელები 1:12). გართობის დროსაც სიფრთხილე გმართებთ, რადგან ნანახს, მოსმენილსა თუ წაკითხულს დიდი ზეგავლენის მოხდენა შეუძლია ადამიანზე. მოერიდეთ ყველაფერს, რაც დაგაკარგვინებთ ბრძოლის სურვილს (ფსალმუნი 101:3; ამოსი 5:14).

 ფილიპელები 4:13: „ყველაფრის ძალა შემწევს ჩემი განმამტკიცებლის დახმარებით“.

 „მესმოდა, რომ საკუთარი ძალებით ვერ დავანებებდი თავს ნარკოტიკს, ამიტომ ბევრს ვლოცულობდი და ღმერთს ვთხოვდი დახმარებას. მანაც მომცა ამისთვის საჭირო ძალა“ (პატრიცია, იტალია).

 ჟოზეფ ერენბოგენი ისეთ გარემოში გაიზარდა, სადაც ხშირი იყო ჩხუბი და ძალადობა. ის ალკოჰოლზე, მარიხუანასა და ჰეროინზე გახდა დამოკიდებული. ზედოზირების გამო მან რამდენჯერმე სიკვდილსაც კი ჩახედა თვალებში. ერთმა ბიბლიურმა მონაკვეთმა ჟოზეფი დაარწმუნა, რომ შეძლებდა ცვლილებების მოხდენას. წაიკითხეთ მისი ავტობიოგრაფია „ვისწავლე ქალებისა და საკუთარი თავის პატივისცემა“.

 დიმიტრი კორშუნოვი ცდილობდა, როგორმე დაენებებინა ალკოჰოლისთვის თავი, თუმცა ბევრჯერ ჰქონდა ჩავარდნა. უყურეთ ვიდეოს „ყველაფერი ყელში ამომივიდა“ და გაიგეთ, რა დაეხმარა მას, დაეძლია ეს ჩვევა.

 არა. ბიბლიაში წერია: „ექიმი ჯანმრთელებს კი არა, ავადმყოფებს სჭირდებათ“ (მათე 9:12). შეერთებული შტატების ნარკოლოგიის ეროვნული ინსტიტუტის თქმით, „ნარკოდამოკიდებულება კომპლექსური დაავადებაა და მისგან გასათავისუფლებლად მხოლოდ ძლიერი სურვილი და სიმტკიცე არ კმარა“. ბუნებრივია, საკუთარ თავში ისეთ ძალას ვერასდროს ვიპოვით, როგორის მოცემაც ღმერთს შეუძლია, თუმცა ბევრს, ვინც ბიბლიური რჩევების დახმარებით ნარკოტიკს დაანება თავი, მაინც დასჭირდა სამედიცინო მკურნალობა. c მაგალითად, ერთი იეჰოვას მოწმე, ალენი, იხსენებს: „ალკოჰოლისთვის თავის დანებებას რომ ვცდილობდი, საშინელ ფიზიკურ ტკივილს ვგრძნობდი. მაშინ მივხვდი, რომ სულიერი დახმარების გარდა ექიმების დახმარებაც მჭირდებოდა“.

 არა. მაგალითად, ბიბლიაში ნათქვამია, რომ შესაძლებელია ალკოჰოლის სამკურნალოდ გამოყენება და მას სიკვდილის პირას მყოფი ადამიანისთვის ტკივილის გაყუჩებაც შეუძლია (იგავები 31:6; 1 ტიმოთე 5:23). თუმცა როგორც ალკოჰოლმა იცის შეჩვევა, ისე ტკივილის გასაყუჩებლად გამოყენებულ ნარკოტიკზეც შეიძლება ადვილად გახდეს ადამიანი დამოკიდებული. ამიტომ კარგი იქნება, წინასწარ დაფიქრდეთ, რა საფრთხე არსებობს და დიდი სიფრთხილით გამოიყენოთ ექიმის მიერ გამოწერილი ტკივილგამაყუჩებლები (იგავები 22:3).