ფსალმუნები 101:1—8
დავითის ფსალმუნი. საგალობელი.
101 შენს ურყევ სიყვარულსა* და სამართალზე ვიმღერებ.
შენ გიგალობებ, იეჰოვა!
2 ბრძნულად მოვიქცევი და სიმართლით ვივლი.
როდის მომხედავ?
უმწიკვლოდ*+ ვივლი ჩემს სახლში.
3 უვარგისს არაფერს მივაპყრობ მზერას.მძულს მათი საქმეები, ვინც გადაუხვია სწორი გზიდან;+
ახლოს არ გავეკარები მათ.
4 შორს არის ჩემგან მზაკვარი გულის კაცი;ცუდში არაფერში გავერევი.
5 დავადუმებ*+ მას, ვინც ფარულად ცილს სწამებს მოძმეს.არ შევიწყნარებ ამპარტავანი თვალებისა და ქედმაღალი გულის პატრონს.
6 წყალობის თვალით შევხედავ დედამიწაზე მცხოვრებ ერთგულებს,რათა ჩემთან ერთად იცხოვრონ.
უმწიკვლოდ* მავალი იქნება ჩემი მსახური.
7 მზაკვარი ვერ იცხოვრებს ჩემს სახლში,მატყუარა ვერ წარდგება ჩემ წინაშე.
8 ყოველ დილით დავადუმებ დედამიწაზე მცხოვრებ ბოროტებს,რათა მოისპონ ავისმქნელნი იეჰოვას ქალაქიდან.+
სქოლიოები
^ ებრ. „ხესედ“. იხ. „ურყევი სიყვარული“ („ბიბლიურ სიტყვათა განმარტებანი“).
^ იხ. „უმწიკვლობა“ („ბიბლიურ სიტყვათა განმარტებანი“).
^ სხვაგვარად — „ბოლოს მოვუღებ“.
^ იხ. „უმწიკვლობა“ („ბიბლიურ სიტყვათა განმარტებანი“).
