2018 წლის 30 ნოემბერს 7-ბალიანი მიწისძვრა მოხდა ალასკის შტატში, ქალაქ ანკორიჯის მახლობლად. მართალია, სტიქიას მსხვერპლი არ მოჰყოლია, მაგრამ, მასმედიის მონაცემებით, მნიშვნელოვნად დაზიანდა გზები.

შეერთებული შტატების ფილიალი იტყობინება, რომ მიწისძვრის შედეგად შვიდმა მაუწყებელმა სხეულის მცირედი დაზიანებები მიიღო; დაზიანდა ჩვენი და-ძმების თექვსმეტი სახლი და ორი სამეფო დარბაზი. სარაიონო ზედამხედველები ორგანიზებას უწევენ, რომ კრებებმა საკვებით, წყლითა და თავშესაფრით უზრუნველყონ დაზარალებულები. გარდა ამისა, ადგილობრივი უხუცესები ზრუნავენ იმაზე, რომ მათ სათანადო სულიერი მხარდაჭერაც აღმოუჩინონ.

ვლოცულობთ მიწისძვრის შედეგად დაზარალებულ და-ძმებზე. დარწმუნებულები ვართ, რომ იეჰოვა იქნება ძალა და სიმაგრე თავისი მოიმედეთათვის (ფსალმუნი 28:8, 9).