2024 წლის 6 დეკემბერს ბლაგოვეშჩენსკის საქალაქო სასამართლომ (ამურის ოლქი) დამნაშავედ ცნო კრისტინა გოლიკი, ეკატერინა ოლშევსკაია, მარია მიასნიკოვა და ვალენტინა იერმილოვა. მათ იძულებითი შრომა დააკისრეს; კრისტინასა და ვალენტინას ორი წლითა და ექვსი თვით, ხოლო მარიასა და ეკატერინას – ორი წლისა და ორი თვის ვადით. ოთხივე შრომა-გასწორების კოლონიაში იცხოვრებს და საზოგადოებისთვის სასარგებლო საქმეს შეასრულებს.

ძალიან გვამხნევებს ასეთი ერთგული დების მაგალითები. დარწმუნებულები ვართ, იეჰოვა კვლავაც დაიცავს და აკურთხებს მათ (ფსალმუნი 27:3).

1. 2018 წლის 20 ივლისი

   გაჩხრიკეს სახლები.

2. 2021 წლის 22 ივლისი

   ოთხივე დის წინააღმდეგ აღიძრა სისხლის სამართლის საქმე.

3. 2021 წლის 27 ივლისი

   კრისტინასა და მარიას დაუწესეს გადაადგილების შეზღუდვა.

4. 2021 წლის 3 აგვისტო

   ეკატერინას დაუწესეს გადაადგილების შეზღუდვა.

5. 2021 წლის 4 აგვისტო

   ვალენტინას დაუწესეს გადაადგილების შეზღუდვა.

6. 2023 წლის 26 მაისი

   დაიწყო სასამართლო მოსმენა.