Apa waé kuwi? Filipi 4:8 nyebutké nèk awaké dhéwé kudu mikirké kabèh sing bener, sing penting, sing adil nurut Gusti Allah, sing murni, sing pantes ditresnani, sing pantes diajèni, sing apik, lan sing pantes dialem. Kuwi ora berarti wong Kristen mung éntuk mikirké wulangané Alkitab. Ning, kuwi berarti apa waé sing awaké dhéwé pikirké kudu nyenengké Yéhuwah, dudu malah nggawé awaké dhéwé dadi ora setya karo Yéhuwah.​—Ms 19:15.

Terus mikirké apa sing apik kuwi ora gampang merga awaké dhéwé ora sampurna lan kudu ngadhepi pengaruh saka ”allahé donya iki”, yaiku Sétan. (2Kor 4:4) Pengaruhé Sétan ana ing koran, majalah, Internèt, acara-acara TV, radio, lan liya-liyané. Nèk ora ngati-ati, awaké dhéwé isa mulai mikirké apa sing salah lan akhiré nindakké kuwi.​—Yak 1:14, 15.

DELOKEN VIDÉO NGEDOHI APA WAÉ SING NGGROGOTI KASETYAN—HIBURAN SING ORA PANTES, TERUS JAWABEN PITAKONAN-PITAKONAN IKI:

• Apa sing didelok sedulur kuwi ing HP-né, lan apa pengaruhé kanggo dhèwèké?

• Piyé pathokan ing Galatia 6:7, 8 lan Jabur 119:37 isa mbantu dhèwèké?