Wulang Bebasan 5:1-23
5 Anakku, gatèkna omonganku sing wicaksana.*
Rungokna tenanan wektu aku ngajari soal pertimbangan sing apik,+
2 Bèn kowé isa njaga kemampuanmu kanggo mikirLan omonganmu sesuai karo pengetahuan sing bener.+
3 Rayuané wong wédok sing bejat kuwi nètès kaya madu,+Lan dhèwèké nggodha nganggo omongané.*+
4 Ning akhiré, dhèwèké dadi kaya tanduran pait+
Lan kaya pedhang sing pinggirané landhep kiwa tengen.+
5 Sikile mudhun ing kematian.
Langkah-langkahé ngarah ing Kuburan.*
6 Dhèwèké ora nggatèkké dalan kehidupan.
Dhèwèké lunga tapi ora ngerti tujuané ing endi.
7 Anakku, rungokna aku.
Aja nganti ora manut karo omonganku.
8 Aja cedhak-cedhak karo dhèwèké.
Aja nyedhaki lawang omahé,+
9 Bèn kowé isa tetep diajèni karo wong liya,+Lan sakjegé urip kowé ora bakal ngalami kesusahan,+
10 Bèn wong liya ora ngentèkké bandhamu,+Lan hasil kerja kerasmu ora dinikmati wong liya.
11 Nèk kowé ora manut, akhiré kowé bakal sengsaraMerga kowé ora nduwé kekuwatan manèh lan awakmu rusak,+
12 Terus kowé ngomong, ”Ngapa ya kok mbiyèn aku ora gelem dikandhaniLan ora gelem diélingké?
13 Aku ora ngrungokké omongané wong-wong sing ngajari akuLan ora nggatèkké omongané guru-guruku.
14 Mèh waé aku cilakaLan ngrasa isin banget ing ngarepé umaté* Gusti Allah.”+
15 Ngombéa banyu saka sumurmu dhéwéLan banyu sing seger saka mata airmu dhéwé.+
16 Apa pantes nèk mata airmu muncrat-muncrat tekan njaba,Lan banyumu sing mili mbludag ing lapangan?+
17 Kuwi kuduné mung kanggo kowé thok,Dudu kanggo wong liya.+
18 Muga-muga mata airmu diberkahiLan muga-muga kowé seneng-seneng karo bojomu sing nikah karo kowé wektu kowé isih enom.+
19 Dhèwèké kaya kidang wédok sing apik, kaya kambing gunung sing nyenengké.+
Muga-muga payudarané terus nggawé kowé seneng.*
Muga-muga kowé terus seneng merga rasa sayangé.+
20 Dadi, anakku, ngapa kok kowé nganti seneng karo wong wédok sing bejat*
Utawa ndhekep dhadhané wong wédok sing ora nggenah.*+
21 Yéhuwah ndelok kabèh kelakuané manungsa.
Dhèwèké nggatèkké tenanan kabèh tumindaké manungsa.+
22 Kesalahané wong jahat kuwi kaya jerat kanggo wong kuwi dhéwé,Lan dosa-dosané bakal kaya tali sing nalèni dhèwèké.+
23 Dhèwèké bakal mati merga ora gelem dikandhaniLan bakal kesasar merga dhèwèké bodho banget.
Katrangan Tambahan
^ Deloken Daftar Istilah.
^ Lit.: ”Lan cangkemé lunyu kaya minyak”.
^ Utawa ”Syéol”. Deloken Daftar Istilah.
^ Utawa ”jemaaté”.
^ Utawa ”mabuk”.
