Ayub 38:1-41
38 Saka njero badai, Yéhuwah njawab Ayub,+
2 ”Sapa sing ora percaya karo keputusanku
Lan sing ngomong tanpa nduwé pengetahuan?+
3 Kowé kudu tegap kaya wong lanang sing kuwat.
Aku arep takon karo kowé, lan kowé kudu njawab Aku.
4 Wektu Aku nggawé bumi, kowé ana ing endi?+
Jawaben Aku nèk kowé rumangsa wis ngerti.
5 Nèk kowé ngerti, sapa sing nentokké ukurané,Lan sapa sing ngukur bumi nganggo tali?
6 Pondhasiné bumi dipasang ing endi,Lan sapa sing masang watu pojokané?*+
7 Wektu kuwi, bintang-bintang ésuk+ padha sorak-sorak,Lan anak-anaké Gusti Allah*+ padha sorak-sorak mènèhi pujian.
8 Sapa sing mbendung banyu laut+Wektu banyu kuwi metu saka sumberé,*
9 Wektu laut kuwi Tak tutupi* nganggo mégaLan Tak tutupi* nganggo mendhung sing peteng banget,
10 Wektu Aku nggawé batasé lautLan masang palang lan lawangé,+
11 Lan Aku ngomong, ’Kowé mung éntuk tekan kéné, aja ngliwati batas iki.
Ombakmu sing gedhé kudu mandheg ing kéné’?+
12 Apa kowé tau ngongkon matahari terbitUtawa nggawé ésuk ngerti ing endi kudu njedhul?+
13 Apa kowé sing ngongkon cahaya ésuk bèn lunga ing ujung bumiLan ngusir wong jahat?+
14 Cahaya kuwi nggawé bumi dadi kétok kaya tanah liat sing dicap,Lan kabèh isiné kétok kaya corak kain.
15 Cahaya sing disenengi wong sing jahat ora ana manèh,Lan wong-wong kuwi ora isa nyilakani wong liya manèh.
16 Apa kowé wis tau mudhun ing sumberé lautUtawa mlebu ing laut sing jero?+
17 Apa ana sing tau nduduhi kowé gerbang kematian?+
Apa kowé tau ndelok gerbangé panggonan sing peteng banget?*+
18 Apa kowé ngerti sepira ambané bumi iki?+
Jawaben Aku nèk kowé ngerti soal kuwi kabèh.
19 Apa kowé ngerti ing endi omahé cahaya+Lan ing endi panggonané peteng?
20 Apa kowé isa ngeterké bali cahaya lan peteng ing panggonan asalé,Lan apa kowé ngerti dalan menyang omahé?
21 Nèk nganti kowé ngerti, apa wektu kuwi kowé wis lair
Lan umurmu wis akèh banget?
22 Apa kowé wis tau mlebu ing gudhangé salju,+Utawa apa kowé wis tau ndelok gudhangé udan ès,+
23 Sing Tak simpen bèn isa Tak gunakké nèk mengko ana kesusahan,Yaiku wektu ana perang?+
24 Saka ngendi cahaya* nyebar,Lan saka ngendi asalé angin wétan sing teka ing bumi?+
25 Sapa sing mbukak saluran banyu sing ana ing langit bèn ana udan deres,Lan sapa sing nggawé dalan kanggo bledhèg lan kilat,+
26 Bèn isa mènèhi udan ing panggonan sing ora ana wongéLan ing padhang belantara sing ora ana wongé,+
27 Bèn isa nyirami lemah sing gersangLan bèn suket isa thukul?+
28 Apa udan nduwé bapak,+Lan sapa bapaké embun?+
29 Sapa ibuné ès,Lan sapa sing nglairké salju sing mudhun saka langit+
30 Wektu permukaan banyu dadi atos kaya watuLan permukaané laut dadi beku?+
31 Apa kowé isa ngumpulké bintang-bintang ing langit bèn dadi kelompok bintang Kima,*Lan apa kowé isa ngobrak-abrik kelompok bintang Késil?*+
32 Apa kowé isa nggawa metu kelompok bintang* pas wektunéUtawa nuntun kelompok bintang As* lan anak-anaké?
33 Apa kowé ngerti hukum-hukum sing ngatur kabèh sing ana ing langit,+Lan apa hukum-hukum kuwi* isa mbok gunakké ing bumi?
34 Apa kowé isa ngongkon méga
Bèn ngetokké udan deres sing nelesi kowé?+
35 Apa kowé isa ngongkon kilat bèn nyamber?
Apa kilat-kilat kuwi bakal lapor karo kowé nèk wis nindakké préntahmu?
36 Sapa sing mènèhi kawicaksanan marang méga,*+Lan sapa sing mènèhi pemahaman marang langit?*+
37 Sapa sing pinter banget nganti isa ngétung méga,Lan sapa sing isa ngesokké banyu saka langit+
38 Nganti debu dadi lumpurLan gumpalan lemah kelèt dadi siji?
39 Apa kowé isa mburu kéwan kanggo pakan singaLan nggawé singa-singa enom dadi wareg+
40 Wektu singa-singa kuwi ndhekem ing panggonanéLan ngincer mangsané saka panggonané ndelik?
41 Wektu anak-anaké gagak sambat karo Gusti Allah,Sapa sing nyedhiakké pangan kanggo manuk gagak+Sing mabur mrana-mréné merga ora ana pangan?
Katrangan Tambahan
^ Deloken Daftar Istilah.
^ Istilah basa Ibrani sing maksudé para malaékaté Gusti Allah.
^ Lit.: ”kandungané”.
^ Utawa ”Tak anggoni klambi”.
^ Utawa ”Tak bungkus”.
^ Utawa ”gerbangé bayangan kematian”.
^ Utawa mungkin ”kilat”.
^ Mungkin bintang-bintang Pleiades ing kelompok bintang Taurus.
^ Mungkin kelompok bintang Orion.
^ Mungkin kelompok bintang Beruang Besar (Ursa Mayor).
^ Utawa mungkin ”hukum-hukumé Dhèwèké”.
^ Utawa mungkin ”manungsa”.
^ Utawa mungkin ”pikiran”.
