Yérémia 9:1-26
9 Misalé sirahku kuwi mata air,Lan mripatku iki pancurané,+Aku bakal nangis awan lan bengi,Nangisi wong-wong saka bangsaku sing wis dipatèni.
2 Misalé aku nduwé penginepan ing padhang belantara,Aku bakal lunga ninggalké bangsakuMerga kabèh wong kuwi laku jina,+Grombolané pengkhianat.
3 Wong-wong kuwi siap ngapusi, kaya busur panah sing ditekuk sing siap dipanahké.
Tanah kuwi kebak karo sing ora bener.+ Ora ana sing setya.
”Wong-wong kuwi terus-terusan nindakké kejahatan.
Wong-wong kuwi ora nggatèkké Aku,”+ kandhané Yéhuwah.
4 ”Kowé kabèh, ngati-atia marang kancamu,Malah marang sedulurmu waé, kowé aja percaya,Sebab saben wong kuwi pengkhianat+
Lan saben kanca kuwi pemfitnah.+
5 Saben wong ngapusi kancané,Lan ora ana sing jujur.
Wong-wong kuwi wis biasa ngomong sing ora bener.+
Wong-wong kuwi ngentèkké tenaga mung kanggo nindakké sing salah.
6 Kowé manggon ing antarané wong-wong sing seneng ngapusi.
Kuwi sebabé wong-wong kuwi ora gelem kenal Aku,” kandhané Yéhuwah.
7 Mula, iki sing diomongké Yéhuwah pemimpiné pasukan,”Aku bakal ngresiki* lan nguji wong-wong kuwi,+Sebab apa manèh sing isa Tak tindakké marang umat-Ku?
8 Ilaté wong-wong kuwi ngomongké sing ora bener kaya panah sing matèni.
Saben wong terus-terusan ngomongké soal kedamaian marang kancané,Ning atiné ngrancang jebakan.”
9 Yéhuwah kandha, ”Wis sak mesthiné ta nèk wong-wong kuwi Tak hukum merga kuwi kabèh?”
”Wis sak mesthiné ta Aku mbales tumindaké bangsa sing kaya ngono kuwi?+
10 Aku bakal nangis lan sedhih merga gunung-gunung.
Aku ya bakal nyanyi lagu sedhih merga padhang rumput ing padhang belantara,Sebab kuwi kabèh wis diobong, mula ora ana wong sing liwatLan ora ana swara ternak ing kono.
Manuk-manuk ing langit lan kéwan liar wis mlayu, kabèh wis ora ana.+
11 Aku bakal nggawé Yérusalèm dadi tumpukan watu,+ panggonané asu liar.+
Aku bakal nggawé kutha-kutha ing Yéhuda dadi telantar, ora dienggoni.+
12 Sapa wong sing wicaksana* sing isa ngerti soal iki?
Sapa wong sing wis dikandhani Yéhuwah sing isa nyritakké soal iki?
Ngapa kok tanah iki dihancurké?
Ngapa kok tanah iki gersang kaya padhang belantara nganti ora ana sing liwat?”
13 Yéhuwah njawab, ”Kuwi merga wong-wong mau padha nolak hukum* sing wis Tak wènèhké lan merga ora ngrungokké lan ora manut omongan-Ku.
14 Wong-wong kuwi malah ndableg nuruti kepénginan atiné dhéwé+ lan nyembah patung-patung Baal kaya sing diwulangké nènèk moyangé.+
15 Kuwi sebabé Yéhuwah pemimpiné pasukan, Gusti Allahé Israèl, kandha, ’Aku bakal nggawé umat iki mangan tanduran pait lan ngombé banyu sing ana racuné.+
16 Aku bakal nggawé wong-wong kuwi kesebar ing antarané bangsa-bangsa sing ora dikenal wong-wong kuwi lan sing ora dikenal nènèk moyangé.+ Aku bakal nggawé mungsuh-mungsuh nyerang wong-wong kuwi nganti wong-wong kuwi musnah.’+
17 Iki sing diomongké Yéhuwah pemimpiné pasukan,’Pikirna apa sing saiki lagi kelakon.
Undangen* wong-wong wédok sing biasa nyanyi lagu sedhih,+Kongkonen wong-wong wédok sing dibayar kanggo nangis bèn padha teka,
18 Supaya wong-wong kuwi ndang nyanyèkké lagu sedhih kanggo awaké dhéwé,Nganti air matané awaké dhéwé ndlèwèr lan nètès tekan pipi.+
19 Aku krungu swara sedhih saka Zion:+
”Aku wis dihancurké.
Aku isin banget.
Aku wis ninggalké tanahku, lan mungsuh-mungsuh wis ngrubuhké omahku.”+
20 Wong-wong wédok, rungokna omongané Yéhuwah.
Manuta karo omongané.
Ajarana anak-anakmu wédok lagu sedhih,Lan ajarana wong-wong wédok liyané lagu sedhih.+
21 Kematian wis mlebu liwat jendhéla-jendhélané awaké dhéwé,Mlebu ing menara-menara sing ana bèntèngéKanggo ngrampas bocah-bocah saka dalan-dalanLan cah-cah enom saka lapangan-lapangan.’+
22 Kandhaa, ’Iki sing diomongké Yéhuwah:
”Mayaté manungsa bakal pating glimpang kaya pupuk ing ladhang,Kaya gagang gandum sing bar dipanèn, ning ora ana sing nglumpukké.”’”+
23 Iki sing diomongké Yéhuwah:
”Wong sing wicaksana aja mbanggakké kawicaksanané,+Wong sing kuwat aja mbanggakké kekuwatané,Lan wong sing sugih aja mbanggakké kekayaané.”+
24 ”Nèk ana sing arep bangga, kudu bangga soal iki:
Bangga merga pemahaman lan pengetahuan soal Aku,+Nèk Aku iki Yéhuwah, Gusti Allah sing nduduhké katresnan sing langgeng,* keadilan, lan apa sing bener ing bumi.+
Kuwi kabèh sing nggawé Aku seneng,”+ kandhané Yéhuwah.
25 Yéhuwah kandha, ”Bakal tekan wektuné Aku ngukum kabèh wong sing sunat ning sakjané ora sunat,+
26 yaiku Mesir,+ Yéhuda,+ Édom,+ wong Ammon,+ Moab,+ lan kabèh wong sing nyukur rambut ing pelipisé nganti entèk, sing manggon ing padhang belantara.+ Kuwi merga kabèh bangsa ora padha disunat, lan kabèh wong Israèl ora disunat atiné.”+
Katrangan Tambahan
^ Utawa ”nglebur”, kaya nglebur logam kanggo mbuwang regedané.
^ Deloken Daftar Istilah.
^ Utawa ”tuntunan”.
^ Utawa ”Celuken”.
^ Deloken Daftar Istilah.
