Isih. Isiné Alkitab isih padha kaya asliné meskipun wis bola-bali disalin nganggo bahan sing ora awèt.

 Naskah Alkitab kuna ana akèh. Nèk naskah-naskah kuwi dibandhingké, mémang ana sing béda. Kuwi berarti isa waé pas disalin ana sing salah. Biasané salahé ora parah nganti ngubah isiné Alkitab. Tapi, ana sing salahé bener-bener parah soalé mbiyèn ana sing sengaja ngubah isiné Alkitab. Contoné:

1.   Ana sing nerjemahké 1 Yohanes 5:7, ”ana ing swarga: Sang Rama, Sang Sabda lan Roh Suci. Sarta kateluné iku dadi siji”. Tapi sakjané ing naskah asliné keterangan kuwi ora ana. Kuwi ditambahi dhéwé karo sing nerjemahké. a Makané, keterangan kuwi ora ana ing terjemahan Alkitab saiki.

2.   Jenengé Gusti Allah ditulis ping akèh ing naskah Alkitab kuna, tapi ana penerjemah sing ngganti jeneng kuwi nganggo sebutan ”Gusti” utawa ”Gusti Allah”.

 Karena wis ana akèh naskah Alkitab kuna sing ditemokké, dadi nèk ana salinan sing salah awaké dhéwé isa langsung ngerti. b Sakwisé naskah-naskah kuna kuwi dibandhingké, apa kesimpulané?

•   Ahli sing jenengé William H. Green ngomong soal naskah Kitab-Kitab Ibrani (sing biasané disebut Perjanjian Lawas), ”Ora ana naskah liya selain Alkitab sing salinané isa persis kaya asliné.”

•   Peneliti Alkitab sing jenengé F. F. Bruce nulis soal Kitab-Kitab Yunani Kristen, utawa ”Perjanjian Anyar”, ”Nèk buku liyané waé ora ana sing maido, kuduné Alkitab ya ora dipaido soalé ana akèh buktiné nèk Alkitab isih padha kaya asliné.”

•   Peneliti naskah Alkitab sing jenengé Sir Frederic Kenyon ngomong nèk awaké dhéwé ”isa yakin tenan nèk Alkitab kuwi omongané Gusti Allah. Meskipun wis disalin bola-bali, isiné Alkitab isih tetep padha kaya asliné.”

•   Para penyalin Yahudi lan Kristen tetep nyalin crita soal kesalahané para abdiné Gusti Allah jaman mbiyèn. c (Wilangan 20:12; 2 Samuèl 11:​2-4; Galatia 2:​11-​14) Para penyalin kuwi ya nyalin crita soal wong Yahudi sing ora manut Gusti Allah, terus dihukum. Terus, wong-wong kuwi ya nyalin keterangan soal ajarané manungsa sing salah. (Hoséa 4:2; Maléakhi 2:​8, 9; Matius 23:​8, 9; 1 Yohanes 5:​21) Para penyalin kuwi ora ngubah-ubah isiné Alkitab soalé nganggep nèk kuwi saka Gusti Allah.

•   Alkitab kuwi saka Gusti Allah, dadi isiné ora mungkin isa diubah. d (Yésaya 40:8; 1 Pétrus 1:​24, 25) Apamanèh Gusti Allah péngin bèn isiné Alkitab isih tetep ana manfaaté nganti saiki. (1 Korintus 10:11) Malah, ”kabèh ayat sing ditulis mbiyèn ditulis kanggo mulang awaké dhéwé. Awaké dhéwé nduwé harapan merga ayat-ayat kuwi mbantu awaké dhéwé bèn sabar lan mènèhi awaké dhéwé penghiburan”.​—Roma 15:4.

•   Yésus karo murid-muridé ya nyuplik salinan Kitab-Kitab Ibrani soalé yakin nèk kuwi bener.​—Lukas 4:​16-​21; Kisah 17:​1-3.