PITAKONANÉ CAH ENOM
Apa sing Kudu Terus Diupayakké Sakwisé Dibaptis?—Bagéan 2: Berusaha Tetep Setya
Ing Alkitab disebutké nèk ”[Yéhuwah] apikan karo wong sing setya”. (Mazmur 84:11) Kowé isa disebut ”wong sing setya” nèk kowé nepati janjimu kanggo nglayani Yéhuwah. (Pengkhotbah 5:4, 5) Sakwisé dibaptis, piyé carané bèn kowé tetep setya karo Yéhuwah?
Ing artikel iki bakal dibahas:
Ora nyerah wektu ana masalah
Ayat: ”Bèn isa mlebu ing Kerajaané Gusti Allah, awaké dhéwé kudu ngalami akèh kesengsaraan.”—Kisah 14:22.
Artiné: Kabèh wong Kristen mesthi bakal ngalami masalah. Misalé, akèh sing ngécé utawa ora seneng karo kowé merga kowé wong Kristen. Sing liyané mungkin ngalami masalah ékonomi, lara, utawa masalah liyané.
Kesulitané: Kadhang, keadaan isa berubah lan kowé isa waé dadi nduwé masalah. Kaya sing disebutké ing Alkitab, sapa waé isa ngalami masalah sing ora disangka-sangka.—Pengkhotbah 9:11.
Sing isa mbok upayakké: Sakdurungé ana masalah, kowé isa siap-siap. Sakjané masalah sing mbok alami lan carané kowé ngadhepi kuwi, isa nggawé imanmu tambah kuwat lan kowé dadi luwih percaya karo Yéhuwah. (Yakobus 1:2, 3) Terus kaya Paulus, kowé isa ngrasakké nèk sanggup ngadhepi apa waé merga dikèki kekuwatan karo Yéhuwah.—Filipi 4:13.
PENGALAMAN. ”Ora suwé bar aku dibaptis, masku ora dadi Seksi Yéhuwah manèh, wong tuwaku lara, terus aku ya lara. Isa waé kuwi nggawé aku nyerah lan ora nglayani Yéhuwah manèh. Tapi, aku isa tetep setya ngadhepi kabèh masalah kuwi merga aku terus mikirké nèk aku wis janji arep nglayani Yéhuwah sakterusé.”—Karen.
Saran: Kowé isa sinau soal Yusuf. Wacanen Purwaning Dumadi bab 37 lan bab 39 nganti 41. Pikirna: Masalah apa waé sing dialami Yusuf? Piyé carané dhèwèké ngadhepi kuwi? Piyé carané Yéhuwah mbantu Yusuf?
Keterangan tambahan:
Wacanen:
Download:
Nolak godhaan
Ayat: ”Saben wong diuji wektu dhèwèké ditarik lan digodha karo kepénginané dhéwé.”—Yakobus 1:14.
Artiné: Kadhang awaké dhéwé nduwé kepénginan sing salah. Nèk kuwi terus-terusan dipikirké, awaké dhéwé isa nglakoni dosa.
Kesulitané: Sakwisé dibaptis, isa waé kowé nduwé ”kepénginan sing salah”. (2 Pétrus 2:18) Mungkin kowé kegodha kanggo nglakoni hubungan sèks sakdurungé nikah.
Sing isa mbok upayakké: Sakdurungé ana godhaan, kowé kudu siap-siap sik bèn aja nganti nggawé keputusan sing salah mung merga nuruti kepénginanmu thok. Yésus tau ngomong, ”Ora ana sing isa dadi budhak kanggo majikan loro.” (Matius 6:24) Kowé mesthi péngin Yéhuwah sing dadi majikanmu, ta? Mula nèk ana godhaan kanggo nglakoni sing salah, kowé kudu nolak kuwi.—Galatia 5:16.
Saran: Coba pikirna apa waé sing isa nggawé kowé kegodha. Miliha kanca sing sifat-sifaté apik. Aja bergaul karo wong-wong sing pengaruhé èlèk kanggo kowé. Aja teka ping panggonan sing isa marakké kowé nglakoni sing salah.—Mazmur 26:4, 5.
Keterangan tambahan:
Terus semangat
Ayat: ”Aku péngin saben wong ing antaramu tetep sregep kaya sing wis mbok tindakké saksuwéné iki. . . . Aku ora péngin kowé dadi males.”—Ibrani 6:11, 12.
Artiné: Nèk kowé ora nduwé tujuan, isa waé kowé dadi ora semangat lan akhiré dadi males.
Kesulitané: Sakwisé dibaptis, kowé mungkin semangat banget kanggo nglayani Yéhuwah lan manut karo Dhèwèké. Kowé ya sayang karo Yéhuwah. Tapi, suwé-suwé kowé mungkin ngrasa nèk manut préntahé Yéhuwah kuwi angèl lan akhiré kowé ora semangat manèh.—Galatia 5:7.
Sing isa mbok upayakké: Kowé kudu tetep nglakoni apa sing bener, meskipun rasané angèl. (1 Korintus 9:27) Kowé isa berupaya kanggo tambah cedhak karo Yéhuwah, misalé luwih kerep sinau soal Yéhuwah lan ndonga. Sakliyané kuwi, kowé ya isa bergaul karo wong-wong sing sayang Yéhuwah.
Saran: Kudu terus éling nèk Yéhuwah sayang karo kowé lan siap mbantu. Aja mikir nèk Yéhuwah ora seneng karo kowé merga kowé pernah ora semangat nglayani Dhèwèké. Ing Alkitab disebutké nèk Yéhuwah ”mènèhi kekuwatan marang wong sing kesel lan mènèhi tenaga marang wong sing kentèkan tenaga”. (Yésaya 40:29) Nèk kowé berusaha bèn tambah semangat nglayani Yéhuwah, Yéhuwah mesthi bakal mberkahi kowé.
Keterangan tambahan:
Wacanen:
Deloken:
Intiné: Nèk kowé tetep setya, kuwi bakal nggawé Yéhuwah seneng. (Wulang Bebasan 27:11) Yéhuwah bakal seneng banget nèk kowé manut Dhèwèké lan Yéhuwah bakal mbantu kowé nolak godhaané Sétan.
Topik sing Ana Hubungané
PITAKONANÉ CAH ENOM
Apa sing Kudu Terus Diupayakké Sakwisé Dibaptis?—Bagéan 1: Ngutamakké Kegiatan Rohani
Sakwisé dibaptis, kowé kudu terus sinau Alkitab, ndonga karo Yéhuwah, nginjil, lan ngibadah.
PITAKONANÉ CAH ENOM
Apa Aku Kudu Dibaptis?—Piyé Carané Bèn Aku Isa Dibaptis?
Pikirna pertanyaan-pertanyaan iki bèn ngerti apa kowé wis isa dibaptis.
PITAKONANÉ CAH ENOM
Apa Aku Kudu Dibaptis?—Piyé Carané Bèn Aku Ora Ragu-Ragu Dibaptis?
Nèk kowé wedi dibaptis, artikel iki cocog kanggo kowé.
PITAKONANÉ CAH ENOM
Piyé Bèn Aku Isa Nolak Godhaan?
Ana telu saran sing isa diupayakké bèn kowé isa nolak godhaan.
KANDHANÉ KANCA-KANCAMU
Piyé Bèn Ora Kepengaruh Kanca-Kanca?
Ana pathokan ing Alkitab sing isa mbantu kowé nolak pengaruhé kanca-kancamu.
