Menurut penelitian ing Amerika, mémang 80 persèn cah enomé padha ndonga, tapi mung separoné sing ndonga saben dina. Ana sing mikir nèk bar donga dadi ngrasa tenang, tapi apa manfaaté mung kuwi thok?

•  Donga kuwi apa?

•  Apa Gusti Allah ngrungokké dongamu?

•  Apa waé sing isa didongakké?

•  Kandhané kanca-kancamu

 Donga kuwi carané awaké dhéwé komunikasi karo Gusti Allah. Coba bayangna, Yéhuwah kuwi luwih hébat timbang awaké dhéwé. Ning, ”Gusti Allah kuwi sakjané cedhak karo awaké dhéwé”. (Kisah 17:27) Malah ing Alkitab disebutké, ”Kowé kudu nyedhak marang Gusti Allah, lan Dhèwèké bakal nyedhak marang kowé.”​—Yakobus 4:8.

 Piyé carané kowé isa cedhak karo Gusti Allah?

•   Salah sijiné, kowé isa ndonga. Kuwi berarti kowé ngomong karo Gusti Allah.

•   Cara liyané, kowé isa sinau Alkitab. Kuwi berarti Gusti Allah ”ngomong” karo kowé.

 Nèk ndonga lan sinau Alkitab, berarti kowé komunikasi karo Gusti Allah. Hasilé, kowé isa tambah cedhak karo Gusti Allah.

 ”Isa ngomong karo Yéhuwah kuwi kehormatan sing luar biasa.”​—Jeremy.

 ”Nèk aku ndonga lan nyritakké perasaanku karo Yéhuwah, rasané aku dadi luwih cedhak karo Yéhuwah.”​—Miranda.

 Meskipun kowé percaya nèk Gusti Allah kuwi ana lan kowé ya ndonga karo Gusti Allah, tapi mungkin kowé isih ora yakin nèk Gusti Allah ngrungokké dongamu. Tapi, Alkitab ngomong nèk Yéhuwah kuwi ”sing ngrungokké donga”. (Mazmur 65:2) Malah, Yéhuwah ngongkon kowé ”masrahké kabèh rasa kuwatirmu marang Gusti Allah merga Dhèwèké perduli karo kowé”.​—1 Pétrus 5:7.

 Kanggo dipikirké: Kowé mesthi kerep omong-omongan karo kancamu. Nah, kowé ya isa ngomong karo Gusti Allah wektu ndonga. Pas ndonga, kowé isa nyebut jenengé Gusti Allah, yaiku Yéhuwah. (Mazmur 86:​5-7; 88:9) Malah, Alkitab ngongkon kowé bèn ”terus ndonga”.​—1 Tésalonika 5:​17.

 ”Aku isa ngobrol lan nyritakké apa waé karo Gusti Allah wektu ndonga.”​—Moises.

 ”Aku isa crita apa waé karo Yéhuwah, kaya lagi crita karo ibuku lan sahabatku.”​—Karen.

 Ing Alkitab ditulis, ”ing kabèh keadaan, kowé kudu terus ndonga njaluk tuntunané Gusti Allah lan terus ngucap syukur.”​—Filipi 4:6.

 Dadi, apa kowé isa nyritakké kabèh masalahmu marang Gusti Allah? Isa. Ing Alkitab ditulis, ”Pasrahna kuwatirmu marang Yéhuwah, lan Dhèwèké bakal ndhukung kowé.”​—Mazmur 55:22.

 Tapi wektu ndonga aja mung nyritakké masalahmu thok. Cah enom sing jenengé Chantelle ngomong, ”Nèk kowé mung ndonga wektu butuh bantuan thok, kowé ora bakal isa dadi sahabaté Yéhuwah. Menurutku sing paling penting kuwi kudu luwih akèh ngucap syukur karo Gusti Allah.”

 Kanggo dipikirké: Apa waé sing isa mbok syukuri? Coba pikirna berkah apa waé sing wis mbok tampa saka Yéhuwah saben dina. Paling ora pikirna telu.

 ”Hal-hal sederhana kaya kembang sing apik, isa nggawé awaké dhéwé bersyukur karo Yéhuwah.”​—Anita.

 ”Coba pikirna ciptaan utawa ayat sing mbok senengi. Terus, kowé isa ngucap syukur soal kuwi.”​—Brian.