Wen Jiizas did de pan di ort, im did shuo se im riili lov piipl, speshali di wan dem we schres out an a sofa kaa dem puor. (Matyu 9:36) Im aal gi op im laif fi piipl tu. (Matyu 20:28; Jan 15:13) Suun suun, im a-go du sitn els fi shuo umoch im lov piipl. Kaaz im a di King fi Gad Kindom, im a-go yuuz di powa we Gad gi im fi mek shuor se nobadi naa sofa kaa dem puor.

 Luk pan wa di Baibl se Jiizas a-go du:

•   “Im a-go difen puor piipl, an im a-go siev dem pikni dem tu.”—Saam 72:4.

 Wa wi kyan du fi shuo se wi tangk Jiizas fi aal a wa im du fi wi an fi wa im a-go du fi wi iina di fyuucha? Iina Luuk 22:​19, Jiizas did tel im falara dem se dem no fi figet se im did ded fi dem. An dat a wa mek evri ier pan di diet wen im did ded, di Jeuova Witnis dem miit op tugeda. So wi wel waahn yu fi kom a di Laad Sopa we a-go gwaan Sonde, Maach 24, 2024.

Fain Wan Laad Sopa Miitn