Aal uova di worl prablem a lik di govament dem lef, rait, an senta. Aal iina som a di konchri dem we it luk laik se di govament av tingz anda kanchuol, a bie koropshan a gwaan an piipl a fait fi jostis. An wen ilekshan gwaan, wan paati bieli bot win di neks wan.

 Di Baibl mek wi nuo se wan gud govament de we a-go ron tingz pan ort di rait wie. Yu guda aal ier bout it aredi. A it Jiizas did tiich wi fi prie bout iina di Owa Faada prieya.

•   “Wen unu a prie, dis a ou unu fi prie: ‘Wi Faada we de iina evn, wi prie se piipl av nof rispek fi yu niem. Wi a prie fi yu govament ruul uova di ort. An wi a prie se jos laik ou wa yu waahn fi apm iina evn a apm, a siem so wi a prie se wa yu waahn fi apm pan ort apm.’”​—Matyu 6:9, 10.

 Wa di Baibl av fi se bout da Govament de?

 Di Govament de a evn.

•   Jiizas did se da govament ya a “Gad govament we de a evn.” (Matyu 4:17; 5:3, 10, 19, 20) An a dat mek im did se: “Mi no ruul laka di king dem we de iina di worl.”—Jan 18:36.

 Da Govament ya a-go get rid a evri govament pan ort.

•   Dis a wa di Baibl se: “An da govament de a-go don aal a di ada govament dem, an it wan gweehn ruul fi eva.”—Daniyel 2:44.

 A Jiizas a di King iina da govament de an it naa go eva mash op.

•   Dis a wa di Baibl se: “Wen im a ruul im a-go ruul fi eva an eva, an fi’im kindom naa go get mash op.”​—Daniyel 7:13, 14.

 Di Govament a-go mek shuor se evribadi fiil sief an nobadi no fried.

•   Dis a wa di Baibl se: “Dem a-go sidong anda dem uona vain an anda dem uona fig chrii, an nobadi naa go mek dem fiil fried.”—Maika 4:4 

 Wen Jiizas did de pan ort, im did eva ‘a priich di gud nyuuz bout Gad Kindom govament.’ (Matyu 9:35) An im did se:

•   “An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.”​—Matyu 24:14.

 Rait ya nou, a iina muo dan 240 konchri dem a priich di gud nyuuz bout Gad Kindom govament. Wi wel waahn yu fi fain out som muo bout da govament ya an aal a di gud ting dem we it a-go du fi yu.

 Wach di vidiyo we niem Di Kindom A Gad—A Wa?