1. Mek wi worship wi Gad

A Jeuova mountn we

Piipl a kom fram aal bout

Fi kom ier wa im se.

Nou, nof piipl a lef

Faalz rilijan faar biain.

Dem a kom muor an muor fi

Worship Gad an obie

Kaaz Jeuova did nuo

Se di work wuda gruo muor an muor.

Wi kyan si it ya nou

Se Jeuova a bles wa wi du.

Nof nof piipl a kom;

Dem aksep Jeuova ruul.

Dem a stie kluos tu im,

An dem no waahn eva schrie.

 2. Ef muor piipl fi kom,

Wi mos go, go priich di word.

Jiizas se wi fi priich an

Dwi’it aal uova di worl.

Krais a ruul fram abov.

Wi fi go pan fi im said.

Aal uu a tek im said,

Dem ombl an waahn fi lorn.

Wi so pliiz; wi so glad

Fi a sorv a di mountn a Gad.

An di griet kroud a gruo—

Wat a jai we dis bring tu wi aat.

Mek wi shout it out loud

So dat evribadi ier,

‘Kom a Jeuova mountn;

Im aluon wi fi sorv.’