Kwestiyan We Piipl Aks
Iina Saam 12, wa vors 6 av fi du wid vors 7?
Iina Saam 12:1-4, Dievid did taak bout ou dem tel di piipl dem we a du wa rait lai se nobadi no de bout we a du wa rait. An den iina Saam 12:5-7 im se:
“‘Because the afflicted are oppressed,
Because of the sighing of the poor,
I will rise up to act,’ says Jehovah.
‘I will save them from those who treat them with contempt.’
The sayings of Jehovah are pure;
They are like silver refined in an earthen furnace, purified seven times.
Wi Gad Jeuova, yu a-go gyaad yu piipl dem;
Yu a-go kip dem sief fram dem piipl ya fi eva an eva.”
Vors 5 mek wi si se Jeuova a-go siev di piipl dem we a sofa.
An vors 6 mek wi nuo se notn no rang wid di sitn dem we Jeuova se. An Jeuova piipl dem nuo se a so it go fi chuu.—Sa. 18:30; 119:140.
Iina som Baibl, Saam 12:7 se: “Yu a-go gyaad dem.”
An kaa vors 6 taak bout di sitn dem we Jeuova Gad se, a das wai som piipl fiil se a dat vors 7 a taak bout tu. An dem mait-a fiil so kaa wi nuo se Jeuova mek shuor se notn no apm tu im Wod, di Baibl, aalduo nof piipl chrai fi get rid a it.—Aiz. 40:8; 1 Pii. 1:25.
Bot wa vors 5 se go so tu, kaa Jeuova aalwiez a-go a siev di piipl dem we a sofa.—Juob 36:15; Sa. 6:4; 31:1, 2; 54:7; 145:20.
So a wa Jeuova a gyaad? Piipl ar di sitn dem we im se?
Wen wi riili luk pan wa da Saam ya a se, wi si se a piipl it a taak bout.
Kaa iina Saam 12:1 dem did a tel di wan dem we a du wa rait se nobadi no de bout we a du wa rait agen. An den iina vors 3, di Saam mek wi nuo se Jeuova a-go get rid a dem wan de we a tel lai. An im mek wi nuo tu se wi kyan nuo fi shuor se Jeuova a-go du sopm fi siev im piipl dem kaa eniting im se im a-go du, a it im a-go du.
So wi kyan si se a riili di piipl dem we dem a mek sofa Jeuova a-go gyaad.
So wa mek som a di Baibl dem se ‘yu a-go gyaad dem?’ Dem se so kaaz som paat a di Baibl we did rait iina Iibruu, a dat it did se. Bot di Griik Septuagint, we a di siem paat a di Baibl we rait uova iina Griik, se a Saam 12:7 se ‘Im a-go gyaad wi’ an ‘Im a-go protek wi.’ So dat mek wi nuo se di vors a taak bout di piipl dem we a du wa rait we dem a mek sofa. A dem Jeuova a-go kip sief fram di piipl dem we waahn fi ort dem. (Sa. 12:7, 8) An Saam 12:7 we rait iina di Aramiek langwij se: “O Laad, yu a-go protek di wan dem we a du wa rait, an yu a-go gyaad dem fram dem wikid piipl ya fi eva.” Dis mek wi nuo se da vors ya naa taak bout di ting dem we Jeuova Gad se.
Bot it a mek di wan dem we a du wa rait nuo se dem na’afi wori an fret kaa Jeuova a-go protek dem.
