Di breda dem wok aad fi rait di paat we niem Tingz We Wi Kyan Se. An nof a di breda an sista dem fain se it wok gud iina di ieriya dem we dem priich. Bot laik ou tingz no stie di siem wie aal uova di worl, di breda an sista dem kyan chienj op di kwestiyan dem bies pan wa a gwaan iina fi dem ieriya. Bot, iina di mont dem wen wi a wok aad fi gi out wan speshal pamplet ar so, evribadi fi fala di paat we niem Tingz We Wi Kyan Se. Wa wi riili waahn a fi du wa Jiizas tel wi fi du an priich di gud nyuuz bout Gad Kindom.​—Mt 24:14.

Ef wan breda ar wan sista av wan taak iina di paat we niem Wok Aad Fi Priich Tu Piipl An Tiich Dem Beta, dem fi yuuz di tapik iina di paat we niem Tingz We Wi Kyan Se, anles dem tel wi sitn difrant iina di stodibuk. Bies pan wa de gwaan iina dem ieriya, iivn duo dem a yuuz di siem tapik, dem kyan chienj op di kwestiyan, di skripcha we dem a-go yuuz, wa dem a-go se wen dem go bak, ar wich paat dem a priich. Dis chienj op wa wi did se pan piej 8 a di Juun 2020 stodibuk.