Di Izrelait dem did av nof riizn fi priez Jeuova. Im did tek dem outa Iijip, an im did siev dem fram Fiero an im suoja dem! (Ex 15:1, 2) Jeuova stil gud tu im piipl dem. Wa a som a di tingz wi kyan du fi shuo se wi tangk im?​—Ps 116:12.

Wan ting yu kyan du a regila ar aagzilari paiyanier. Ef yu no waahn fi paiyanier, yu kyan beg Jeuova fi mek yu waahn fi dwi’it an fi gi yu di chrent fi dwi’it. (Fil 2:13) Di fos ting nof piipl du a aagzilari paiyanier. Ef yu a wan aagzilari paiyanier, yu fi du 30 ar 50 owa. Yu kyan du dis iina Maach ar Iepril, ar iina di mont wen yu sorkit uovasiya kom a yu kanggrigieshan. Wen yu si ou nais it bi fi aagzilari paiyanier, yu mait-a go waahn regila paiyanier. Iivn som a wi breda an sista dem we av wan wok we tek op uol iip a dem taim, ar dem av prablemz wid dem elt, ton regila paiyanier. (mwb16.07-E 8) Eniting we wi du fi priez Jeuova, it kyaahn tu moch kaaz a im fi get it!​—1Ch 16:25.

WACH DI VIDIYO CHRII SISTA WE DE IINA MONGOLIA, AN DEN ANSA DEM KWESTIYAN YA:

• Wa a som a di prablem dem chrii sista ya did av, an wa dem did du so dem kuda paiyanier?

• Wa a som a di blesn we dem get?

• Kaaz dem staat paiyanier, wa a som ada tingz we dem get fi du fi Jeuova?

• Bikaaz a wa dem du, ou dat elp ada piipl?