Nof a di tingz we wi si a gwaan nou a wa di Baibl did tel wi se wuda did apm. It did se piipl wuda lov moni, wuda onggl bizniz wid demself, an wudn fala wa dem mada an dem faada se.

An fordamuor, di Baibl se fuud wuda skiers, an wi wuda av masiv ortkwiek, uol iip a waar, an aal kain-a siknis. A dem siem sitn de a apm rait ya nou.

Bot Jiizas did se iina di mids a aal a dat, di gud nyuuz bout Gad Kindom wudana priich aal uova di worl.​—Matyu 24:14.

Likl fram dis, Jeuova a-go dischrai aal a di wikid piipl dem.

Sietan an di wikid ienjel dem a-go get dischrai tu.

Bot aal a uu lisn tu Gad a-go go uova iina di Paradais ort. Nobadi naa go fried fi notn agen, an evribadi a-go chos an lov dem wan aneda.