Anwọ edẹ 7 Akpe, 2023 ze, a be họre je ru ozighi evaọ Izrẹl gbe Gaza. Idu ahwo buobu a kwa no iwou rai no. A niyẹrẹ nọ ahwo nọ a whu no a bu te enwenọ idu ene gbe egba ivẹ (4,200).

• Oniọvo mai ọvuọvo ọ nwoma hayo whu hu

• Iwhowho-uvie nọ e kwa no iwou rai a bu te udhone gbe ikpegbesa

• Iwou esa e raha omojọ

• Ọgwa Uvie mai ọvuọvo ọ raha ha

• Esẹro okogho gbe ekpako ukoko nọ e rrọ oria nọ oware na o jọ via na a be rọ Ẹme Ọghẹnẹ tuduhọ inievo na awọ je fiobọhọ kẹ ae

• A rehọ Ogbẹgwae Ogbodhẹ mu re o rẹrote iruo ogbodhẹ na

Inievo mai nọ e rrọ oria nọ oware na o jọ via na a gbẹ be gọ Jihova je ru eware nọ ẹrọwọ rai ọ rẹ rrọ jọ gaga. A be hae rọ ividio thuru kugbe ohwohwo ro ru ewuhrẹ. Ọsẹro okogho jọ ọ ta nọ: “Dede nọ ma riẹ oware nọ o te via odẹnotha ha, oghẹrẹ nọ inievo emezae gbe erọ emetẹ mai a bi ro kru ẹrọwọ rai je dhesẹ uyoyou kẹ ohwohwo o tuduhọ omẹ awọ gaga.”

Jihova ọ ya eyaa nọ kẹle na o ti ru “emo serihọ evaọ otọakpọ na soso.” Ma bi rẹro okenọ Ọghẹnẹ o ti ro ru eyaa riẹ na gba.​—Olezi 46:9.