Job 34:1-37
34 Elaihu ọ tẹ gbẹ be kpahe ẹme, inọ:
2 “Wha gaviezọ kẹ eme mẹ, whai enọ i wo areghẹ;Wha gaviezọ kẹ omẹ, whai enọ e riẹ gaga.
3 Keme ozọ o rẹ dawo ẹmeNwane wọhọ epanọ ẹrọo* ọ rẹ dawo emu na.
4 Joma jọ omoma mai na dhesẹ oware nọ u kiehọ ze;Joma jọ omoma mai na rọwo fihọ oware nọ u woma.
5 Keme Job ọ ta nọ, ‘Mẹ riẹ ru,+Rekọ Ọghẹnẹ ọ rọwo bru uvioziẹ kẹ omẹ hẹ.+
6 Kọ me re gu ọrue kpahe oziẹ nọ u fo nọ a re bru kẹ omẹ?
A rẹ sai siwi ola mẹ kpo ho, dede nọ me ru oware ovo thọ họ.’+
7 Ọzae vẹ ọ wọhọ Job,Nọ ọ rẹ da ẹpoviẹ wọhọ ame?
8 Ọ rrọ kugbe ahwo nọ a bi ru oware uyomaJẹ rrọ udevie ezae imuomu.+
9 Keme ọ ta nọ, ‘Ohwo o re wo erere heNọ ọ tẹ be daoma ru Ọghẹnẹ eva were.’+
10 Fikiere wha gaviezọ kẹ omẹ, whai ezae nọ i wo otoriẹ:*
Ọghẹnẹ uzẹme na ọ rẹ sai ru oware umuomu vievie he,+Erumeru na ọ rẹ sai ru oware nọ o thọ họ!+
11 Keme ọ rẹ hwosa kẹ ohwo wọhọ epaọ eware nọ o ru+Je ru re ọ ruẹ uye oware nọ u re no iruẹru riẹ ze.
12 Keme u muẹro nọ Ọghẹnẹ o re ru oware uyoma ha;+Erumeru na ọ rẹ vẹ ẹdhọ tu hu.+
13 Kọ ohwo jọ ọye ọ rehọ e riẹ mu ọnọ ọ rẹ rẹrote otọakpọ na,Kọ ohwo jọ ọye ọ kẹ riẹ udu re o wuzou akpọ na soso?*
14 Ọ tẹ rẹriẹ ovao ku* ai,Ọ tẹ rehọ ẹgba uzuazọ* gbe ẹwẹ rai mi ai,+
15 Ahwo-akpọ* kpobi a re whu,Ahwo-akpọ a re zihe kpohọ ẹkpẹ.*+
16 Fikiere, otẹrọnọ wha wo otoriẹ, wha gaviezọ kẹ onana;Wha gaviezọ ziezi kẹ ẹme nọ mẹ be ta na.
17 Kọ ohwo nọ o mukpahe uvioziẹ ọ sae jọ osu,Hayo kọ whọ sai brukpe ọgba nọ o kiẹrẹe?
18 Kọ whọ sae ta kẹ ovie nọ, ‘Who fioka ohwo ho,’*
Hayo ta kẹ ikpahwo nọ, ‘Whai yọ ahwo omuomu’?+
19 Ọjọ ọ riẹ nọ o re dhesẹ ọriẹwẹ kẹ emezae-ivie he*Yọ ọ rẹ jẹ edafe rehọ o ve kienyẹ iyogbe he,*+Keme aikpobi na yọ iruo abọ riẹ.+
20 A sai whu idudhe,+ evaọ udevie aso;A re nuhu zighi zighi a ve whu;+Makọ egba dede a re si ai no oria rai, rekọ orọnikọ ẹkwoma abọ ohwo-akpọ họ.+
21 Keme ibiaro Ọghẹnẹ e be ruẹ idhere ohwo-akpọ,+Yọ ọ* be ruẹ ithihi awọ riẹ kpobi.
22 Ebi hayo okpa ebi ọvuọvo ọ riẹ hẹ,Nọ ahwo nọ a bi ru oware uyoma a rẹ sai dhere.+
23 Keme Ọghẹnẹ o fi oke họ kẹ ohwo ọvuọvo hoNọ ọ rẹ rọ ziọ aro riẹ kẹ ẹdhoguo.
24 O re wiri egba na, u du gwọlọ nọ ọ rẹ kiẹ otọ ẹme rai tao hoO ve fi amọfa họ ẹta rai.+
25 Keme ọ riẹ eware nọ a bi ru;+O re si ai no ọkwa rai evaọ aso, ọ vẹ guọghọ ae.+
26 Ọ rẹ tehe ae fihọ otọ fiki imuemu rai,Evaọ oria nọ ahwo kpobi a rẹ jọ ruẹ e rai,+
27 Keme a nyase iẹe ba no, a gbe bi lele iei hi+Yọ a be daezọ edhere riẹ ọvuọvo ho;+
28 A bi ru nọ iyogbe a bi ro bo sei,O tẹ whae ze nọ o bi ro yo edo oviẹ iruori na.+
29 Nọ Ọghẹnẹ ọ tẹ fọ, ono ọ rẹ sai brukpei?
Nọ o te si ovao riẹ no, ono ọ rẹ sae ruẹ e riẹ?
O te ru ei kẹ orẹwho hayo omọvo, epọvo na o rẹ jọ,
30 Re ohwo nọ ọ be gọ Ọghẹnẹ hẹ* o gbe su hu+Hayo kpahe egbefẹ kẹ ahwo ho.
31 Kọ ohwo jọ ọ rẹ ta kẹ Ọghẹnẹ nọ,‘A kẹ omẹ uye, dede nọ me ru oware ovo thọ họ;+
32 Vuẹ* omẹ oware nọ me vuhumu hu* na;Otẹrọnọ me ru oware jọ thọ, me ti gbe ru ei hi’?
33 Kọ ọ te hwosa kẹ owhẹ oghẹrẹ nọ whọ gwọlọ, nọ whọ tẹ siọ oziẹobro riẹ?
Whẹ ẹme na ọ rrọ obọ, orọnọ mẹ hẹ.
Fikiere vuẹ omẹ oware nọ whọ riẹ ziezi na.
34 Enẹ ezae nọ i wo otoriẹ* a te ta kẹ omẹEnẹ ọzae owareghẹ kpobi nọ o bi yo ẹme mẹ ọ te ta, inọ
35 ‘Job ọ ta ẹme ababọ eriariẹ,+Yọ eme riẹ e kare ovuhumuo.’*
36 Jọ a dawo Job* te okaKeme eme nọ ọ be kpahe e wọhọ erọ ahwo omuomu!
37 O fi ọkparesuọ ba uzioraha riẹ;+Ọ tehe abọ riẹ ku omaiJẹ ta eme buobu wọso Ọghẹnẹ uzẹme na!”+
Eme-Obotọ
^ Evaọ Hibru, “ehru obeva unu.”
^ Evaọ Hibru, “udu.”
^ Hayo “otọakpọ nọ a rẹ rria na.”
^ Evaọ Hibru, “tọ udu riẹ vi.”
^ Hayo “ẹzi.”
^ Evaọ Hibru, “Uwo.”
^ Hayo “ovu.”
^ Hayo “Who wo iruo ho.”
^ Hayo “jẹ ikpahwo rehọ o ve kienyẹ iruori hi.”
^ Hayo “ikpahwo-esuo ho.”
^ Koyehọ, Ọghẹnẹ.
^ Hayo “ọnọ ọ siọ orọwọ na no.”
^ Hayo “Wuhrẹ.”
^ Hayo “mẹ ruẹ hẹ.”
^ Evaọ Hibru, “udu.”
^ Hayo “otoriẹ udidi.”
^ Hayo o sae jọ nọ, “Ọsẹ mẹ, jọ a dawo Job.”
