Ilezi 68:1-35
Ro se ọnọ o wuzou ile na. Orọ Devidi. Olezi. Ole.
68 Jọ Ọghẹnẹ ọ kparoma, jọ ewegrẹ riẹ e vaha,Jọ enọ i mukpahe iẹe a dhẹ no aro riẹ.+
2 Le ai vrẹ, wọhọ epanọ iwiri i re kuye vrẹ na;Wọhọ epanọ iwhri e rẹ ghra nọ i te te erae na,Jọ ahwo omuomu na a whu evaọ aro Ọghẹnẹ.+
3 Rekọ jọ ikiẹrẹe na a ghọghọ;+Jọ a ghọghọ gaga evaọ aro Ọghẹnẹ;Jọ a ghọghọ jẹ wereva.
4 So ole kẹ Ọghẹnẹ; so ile jiri* odẹ riẹ.+
So ole kẹ Ọnọ ọ be dhẹ udhude opraprara na vrẹ na.*
Jah* họ odẹ riẹ!+ Ghọghọ evaọ aro riẹ!
5 Ọghẹnẹ nọ ọ be rria oria ọrẹri riẹ+ na họỌsẹ enọ i wo esẹ hẹ gbe ọnọ ọ rẹ thọ* eyae-uku.+
6 Ọghẹnẹ ọ rẹ kẹ enọ i wo ohwo ho* uwou nọ a rẹ rria;+O re su enọ e rrọ uwou-odi lahwe re o ru akpọ woma kẹ ae.+
Rekọ enọ i bi veghe uzou na* a rẹ rria ẹkwotọ nọ ọ ya fia.+
7 O Ọghẹnẹ, okenọ who je su* ahwo ra,+Okenọ whọ nya udhude na vrẹ, (Silah)
8 Otọakpọ na o nuhu;+Oso ọ rrọ no odhiwu ze* fiki Ọghẹnẹ;Saena nana o nuhu fiki Ọghẹnẹ, Ọghẹnẹ Izrẹl na.+
9 Who ru nọ oso ọ rọ rrọ gaga, O Ọghẹnẹ;Whọ kẹ ahwo ra* nọ oma o rrọ no ẹgba.
10 A rria iwou-udhu nọ e rrọ evuẹ ra;+Fiki ewoma ra, whọ kuọ iyogbe, O Ọghẹnẹ.
11 Jihova o jie uzi;Eyae nọ i bi whowho usi uwoma na yọ ogbaẹmo ulogbo.+
12 Ivie nọ i wuzou egbaẹmo a dhẹ,+ a dhẹ!
A ghale egbo-ẹmo* te aye nọ ọ daji obọ uwou.+
13 Dede nọ whai ezae na wha je kiẹzẹ oria nọ a koko erae họ na,*Wha te jọ wọhọ erueruẹ nọ a rọ isiliva ralọ ibekpe riẹ,*Nọ o wo ileli emamọ igoru.*
14 Okenọ Erumeru na ọ vaha ivie ẹkwotọ yena,*+Ekpalekpa-ame i te kie evaọ Zalmọn.*
15 Ugbehru Beshan+ yọ ugbehru Ọghẹnẹ;*Ugbehru Beshan yọ ugbehru nọ u wo eria ikpekpehru.
16 Whai igbehru nọ i wo eria ikpekpehru na, fikieme wha be rọ rehọ ihri-eriọ rriKpohọ ugbehru nọ Ọghẹnẹ ọ salọ re ọ rria?*+
Evaọ uzẹme, Jihova ọ te rria etẹe bẹdẹ bẹdẹ.+
17 Ekẹkẹ ẹmo Ọghẹnẹ i bu te idu ikpe eko buobu, idu eko idu buobu.+
Jihova o no obọ Saena ziọ oria ọrẹri+ na no.
18 Who muvrẹ kpobọ ehru;+Whọ wha ahwo nọ a mu rehọ vrẹ;Whọ rehọ ezae nọ e rrọ ekẹ,+Ẹhẹ, makọ enọ i bi veghe uzou dede,+ re a rria udevie rai, O Jah Ọghẹnẹ.
19 Ujiro u te Jihova, ọnọ ọ be wọ owha mai kẹdẹ kẹdẹ,+Ọghẹnẹ uzẹme na nọ ọ rrọ osiwi mai. (Silah)
20 Ọghẹnẹ uzẹme na yọ Ọghẹnẹ mai nọ o re siwi;+Jihova Olori nọ Ọ Mai Kpehru na ọ rẹ thọ omai no uwhu.+
21 Ẹhẹ, Ọghẹnẹ ọ te guọghọ uzou ewegrẹ riẹ,Ukolo-uzou* ohwo kpobi nọ ọ ruabọhọ uruemu uyoma.*+
22 Jihova ọ ta nọ: “Mẹ te rehọ ae no obọ Beshan zihe ze;+Mẹ te rehọ ae no eva edidi abade na zihe ze,
23 Re awọ ra o zue evaọ azẹ+Ẹrọo erakọ ra ọ vẹ jẹ lalọ azẹ ewegrẹ na.”
24 A be ruẹ itu sa-sa erọ uje ra, O Ọghẹnẹ,Itu sa-sa erọ uje Ọghẹnẹ mẹ, Ovie mẹ, nọ e be ruọ eva oria ọrẹri na.+
25 Eso-ile na a karo, ikporo-ile na a bi kporo ekpata-ifi lele ai;+Emetẹ na a rrọ udevie rai bi kporo ejẹjẹ.+
26 Jọ evaọ udevie ogbotu obuobu nọ o kokohọ* na jiri Ọghẹnẹ;Wha jiri Jihova, whai enọ i no obọ Ọghẹnẹ Izrẹl* ze.+
27 Etẹe Bẹnjamin,+ ọrọ ọmaha kpobi na o bi jo su ai,*Te isu* Juda avọ ogbotu rai nọ o bi ru edo,Isu Zẹbulọn, isu Naftalae.
28 Ọghẹnẹ ra ọ ta riẹ no inọ whọ te jọ gaga.
Dhesẹ ẹgba ra, O Ọghẹnẹ, whẹ nọ ọ thothọ mai na.+
29 Fiki etẹmpol ra nọ ọ rrọ obọ Jerusalẹm,+Ivie e te rehọ ekẹ se owhẹ.+
30 Whọku erao ẹwọ nọ e rrọ udevie ikpoko na,Ogbotu iruẹ+ na avọ emọ rai,Bẹsenọ ahwo na a re guzou kpotọ avọ ewẹ isiliva nọ a rọ ze.*
Rekọ ọ rẹ vaha* ahwo nọ ẹmo ọ be were.
31 A te wha eware nọ a rehọ ibronzu* ru no* obọ Ijipti ze;+Kush ọ te rehọ ekẹ se Ọghẹnẹ ovovẹrẹ.
32 O ekwotọ-ivie otọakpọ na, wha so ile kẹ Ọghẹnẹ,+Wha so ile jiri* Jihova, (Silah)
33 Ọnọ ọ be dhẹ odhiwu nọ ọ mai kpehru*+ nọ o rrọ no anwae ze na.
Rri! Ọ be rọ urru riẹ va egbrara, urru ulogbo riẹ.
34 Dhesẹ nọ who vuhu ẹgba Ọghẹnẹ mu.+
Oruaro riẹ o rrọ Izrẹl,Yọ ẹgba riẹ ọ rrọ obọ ihru* na.
35 No obọ oria aruẹri ologbo riẹ* ze, Ọghẹnẹ o bi mu ọwhewhe.+
Ọye họ Ọghẹnẹ Izrẹl,Ọnọ ọ be kẹ ahwo riẹ ẹgba gbe ogaga.+
Ujiro u te Ọghẹnẹ.
Eme-Obotọ
^ Hayo “kporo ile kẹ.”
^ Hayo o sae jọ nọ, “evaọ ẹgho na.”
^ “Jah” yọ ubro odẹ na Jihova.
^ Evaọ Hibru, “obruoziẹ.”
^ Hayo “otu ọwọsuọ na.”
^ Hayo “enọ ae ọvo a rrọ oria.”
^ Evaọ Hibru, “okenọ whọ karo kẹ.”
^ Evaọ Hibru, “Odhiwu o fi ame.”
^ Evaọ Hibru, “ukuoriọ ra.”
^ Hayo “eware nọ a kwa no ẹmo ze.”
^ Hayo “igoru nọ o wo ekọlọ igrini nọ o wọhọ iyẹlo.”
^ Hayo o sae jọ nọ, “Wha te wha erueruẹ nọ a rọ isiliva ralọ ibekpe riẹ kpozi.”
^ Hayo o sae jọ nọ, “iwou-igodẹ na.”
^ Evaọ Hibru, “ivie nọ e rrọ eva riẹ.”
^ Hayo “O tẹ wọhọ nọ ekpalekpa-ame i kie evaọ Zalmọn.”
^ Hayo “ugbehru ulogbo.”
^ Hayo “ọ gwọlọ nọ ọ rẹ rria.”
^ Evaọ Hibru, “Oko uzou nọ ọ vọ avọ eto orọ.”
^ Hayo “ọ gbẹ be nya evaọ abe-ọriọ riẹ.”
^ Evaọ Hibru, “Jọ evaọ ikokohọ.”
^ Evaọ Hibru, “Ehri Izrẹl.”
^ Evaọ Hibru, “emezae-ivie.”
^ Hayo “fi ai kparobọ.”
^ Hayo o sae jọ nọ, “a ve thihi ewẹ isiliva nyaotọ.”
^ Hayo “raha.”
^ Hayo o sae jọ nọ, “Enyukọ i ti no.”
^ Hayo “ekpọna.”
^ Hayo “kporo ile kẹ.”
^ Hayo “odhiwu idhiwu.”
^ Evaọ Hibru, “ẹgho.”
^ Evaọ Hibru, “ra.”
