Aizaya 48:1-22
48 Wha yo onana, O uwou Jekọp,Whai enọ e be rọ odẹ Izrẹl se+ omaraiGbe owhai nọ i no obọ iyeri-ame* Juda ze,Whai enọ e be rọ odẹ Jihova duwu iyei+Gbe owhai nọ i bi bo se Ọghẹnẹ Izrẹl,Dede nọ wha bi ru ere evaọ uzẹme gbe ẹrẹreokie he.+
2 Keme a be rehọ odẹ okpẹwho ọrẹri na se omarai+Jẹ be gwọlọ uketha Ọghẹnẹ Izrẹl,+Ọnọ odẹ riẹ o rrọ Jihova olori egbaẹmo.
3 “Anwọ oke krẹkri nọ u kpemu mẹ vuẹ owhai eware nọ e vrẹ no.*
Unu obọmẹ eme na i no ze,Yọ me ru owhai riẹ kpahe ae.+
Nọ mẹ nwani ru oware jọ, e tẹ romavia.+
4 Fikinọ mẹ riẹ epanọ who wo udu ogaga te—Inọ uriohọ ra o wọhọ uriẹ ayọno, aruezo ra kọ ekọpa+—
5 Mẹ tẹ vuẹ owhẹ anwọ oke krẹkri nọ u kpemu.
Taure o tẹ te via, me ru owhẹ yo kpahe iẹe,Re whọ gbẹ sae ta ha inọ, ‘Ẹmẹdhọ mẹ o ru onana;Ẹmema mẹ nọ a kare gbe ẹmema ayọno mẹ* e ta onana.’
6 Wha yo jẹ ruẹ eware nana kpobi no.
Kọ wha gbe whowho ai via?+
No umuo enẹna vrẹ, me bi whowho eware ekpokpọ kẹ owhai,+Eware nọ a nabe ko dhere ziezi nọ wha re riẹ vẹre he.
7 Obọnana gheghe mẹ be ma ae na, orọnikọ oke krẹkri nọ u kpemu no ho,Eware nọ who ri yo ho taure inẹnẹ o te ti te,Re whọ gbẹ sae ta ha inọ, ‘Rri! Mẹ riẹ rai no vẹre.’
8 Ẹhẹ, who ri yo ai hi,+ whọ riẹ rai hi,Yọ evaọ oke nọ o vrẹ ezọ ra i rovie he.
Keme mẹ riẹ nọ who wo ẹghẹ gaga,+Yọ ọrahauzi a bi se owhẹ anwọ oke nọ a ro yẹ owhẹ ze.+
9 Rekọ fiki odẹ mẹ me ti zihe ofu mẹ;+Fiki ujiro obọmẹ, mẹ te gba omamẹ kpahe owhẹ,Mẹ te raha owhẹ kufiẹ hẹ.+
10 Rri! Mẹ ghra owhẹ fo no, rekọ orọnọ oghẹrẹ nọ a re ro ru isiliva fo ho.+
Mẹ rọ oja-oriọ nọ o wọhọ umuwou-erae nọ a rẹ jọ ghra ayọno dawo owhẹ* no.+
11 Fiki omobọ mẹ, fiki omobọ mẹ, me ti ru oware jọ,+Ẹvẹ mẹ rẹ rọ kuvẹ re a gbe odẹ mẹ ku?+
Mẹ rẹ rehọ oruaro mẹ kẹ omọfa ha.*
12 Gaviezọ kẹ omẹ, O Jekọp, gbe Izrẹl, ọnọ me se.
Mẹ họ Omọvo na.+ Mẹ họ ọrọ ọsosuọ; mẹ tẹ jẹ rrọ ọrọ urere.+
13 Obọ obọmẹ o wọ otọhotọ otọakpọ na họ,+Yọ obọze mẹ o rriẹ idhiwu na fihọ.+
Nọ mẹ tẹ kpaunu se ae, a re dikihẹ ẹsiẹvo.
14 Whai kpobi wha kokohọ re wha gaviezọ.
Ono evaọ usu rai o whowho eware nana?
Jihova o you rie.+
O ti ru Babilọn oware nọ o were riẹ,+Yọ ugbobọ riẹ o te rọsuọ ahwo Kaldia.+
15 Mẹ omamẹ, mẹ ta riẹ no, yọ me se rie no.+
Mẹ rehọ e riẹ ze no, yọ eware e te riẹ nya kẹe.+
16 Go kẹle omẹ re who yo onana.
No emuhọ ze mẹ re ta ẹme evaọ oria idhere he.+
Mẹ jọ etẹe evaọ oke nọ o rọ via.”
Whaọ enẹna, Jihova Olori nọ Ọ Mai Kpehru na o vi omẹ no, avọ* ẹzi riẹ.
17 Enẹ Jihova ọ ta, ọnọ ọ dẹ owhẹ zihe ze, Ọrẹri Izrẹl:+
“Mẹ Jihova, mẹ họ Ọghẹnẹ ra,Ọnọ o bi wuhrẹ owhẹ re who wo erere kẹ omara,*+Ọnọ o bi su owhẹ evaọ edhere nọ u fo nọ whọ rẹ nya.+
18 Dodokọ whọ rẹ gaviezọ kẹ ijaje mẹ!+
Kẹsena udhedhẹ ra o vẹ te jọ wọhọ ethẹ,+Ẹrẹreokie ra o vẹ te jọ wọhọ ẹkporo abade.+
19 Emọ* ra e te jọ buobu wọhọ uwẹkpẹAhwo uyẹ ra a vẹ te jọ buobu wọhọ ibi-ẹkpẹ na.+
A ti voro hayo raha odẹ rai no aro mẹ vievie he.”
20 Wha no eva Babilọn!+
Wha dhẹ siọ ahwo Kaldia na ba!
Wha rehọ ubo oghọghọ whowho iei! Wha woro iei!+
Wha ru re ahwo nọ a rrọ oka avọ oka otọakpọ na a riẹ kpahe iẹe.+
Ta nọ: “Jihova ọ dẹ Jekọp odibo riẹ zihe ze no.+
21 Uruame u kpe rai hi evaọ okenọ o su ai nya eria nọ e raha no vrẹ.+
O ru ame hwẹ no utho ze kẹ ae;Ọ bẹre utho, o te ru ame kporo noi ze.”+
22 “Udhedhẹ o rrọ kẹ irumuomu na ha,” ere Jihova ọ ta.+
Eme-Obotọ
^ Hayo o sae jọ nọ, “owhai nọ i no uyẹ.”
^ Evaọ Hibru, “eware ọsosuọ.”
^ Hayo “ẹmema mẹ nọ a ghra ayọno ro ru.”
^ Hayo “kiẹ owhẹ riwi.” Hayo o sae jọ nọ, “salọ owhẹ.”
^ Hayo “Mẹ rẹ ghale oruaro mẹ kugbe omọfa ha.”
^ Hayo “kugbe.”
^ Hayo “re u woma kẹ owhẹ.”
^ Evaọ Hibru, “Ubi.”
