Aizaya 27:1-13
27 Evaọ ẹdẹ yena, Jihova avọ ọgbọdọ riẹ nọ ọ rrọ dada, ruaro jẹ rrọ gaga,+Ọ te rẹriẹ ovao riẹ rri Levayatan,* araomuomu nọ o re siawọ riariaria na,Levayatan, araomuomu nọ o re ghriri oma na,O ve ti kpe arao ologbo nọ ọ rrọ abade na no.
2 So ole kẹ aye* na evaọ ẹdẹ yena, inọ:
“Ọgbọ evaene nọ enwaene riẹ ọ be gbivuhu!+
3 Mẹ Jihova, mẹ be sẹro riẹ.+
Me bi ku ame fihọ iẹe oke kpobi+
Mẹ be sẹro riẹ te aso te uvo.Re ohwo ọvo ọ gbẹ nwae oma ha.+
4 Ofu ọ rrọ omẹ eva ha.+
Ono ọ te rehọ ire inwe gbe ẹbe rọ họre omẹ evaọ ẹmo na?
Me ti thihi ai nyaotọ je tu erae họ aikpobi ẹsiẹvo.
5 Fikiere, jọ ọ zaza abọ mu oria omofọwẹ mẹ.
Jọ o ru udhedhẹ kugbe omẹ;Udhedhẹ họ oware nọ o re ru kugbe omẹ.”
6 Evaọ edẹ nọ e be tha na, Jekọp ọ te ta awọ fihọ otọ,Izrẹl ọ te whẹ ebe họ jẹ ta egha ekpokpọ ze,+Yọ ibi rai e te vọ ẹkwotọ na.+
7 Kọ o gbahọ nọ ọnọ ọ be fae na ọ rẹ fae?
Hayo kọ o gbahọ nọ a re kpei oghẹrẹ nọ a ro kpe ahwo riẹ na?
8 Avọ edo igbunu who ti ro lele iei whọ evaọ okenọ who ti lei vrẹ.
Ọ te rehọ ofou ọgaga riẹ nọ o ti fou evaọ ẹdẹ nọ ofou ovatha-ọre o bi fou ro lei vrẹ.+
9 Fikiere enẹ a te rọ rehọ omavoro ruru oruthọ Jekọp,+Yọ nọ a te si uzioraha riẹ no, oware nọ u ti noi ze kpobi ona:
O ti ru itho agbada-idhe na kpobiJọ wọhọ itho-echọko nọ a wuhu no,Yọ ekpọ ọrẹri* hayo egbada insẹnse evuevo i ti kiọkọ họ.+
10 Keme a te dhẹ siọ okpẹwho nọ a di ogba wariẹ họ* na ba;A te nyasiọ etọ nọ erao e rẹ jọ re ẹbe na ba je gbabọkẹ ae wọhọ udhude.+
Etẹe ọmọ-eruẹ ọ te jọ re ẹbe je ruẹ fihọYọ ọ te re ebe egha riẹ no.+
11 Nọ emegha ire riẹ i te whu no,Eyae na e te nyaze ti wiri ai no,A vẹ rehọ ae koko erae họ.
Keme ahwo nana a wo otoriẹ hẹ.+
Oyejabọ nọ Ọnọ ọ ma rai ọ te rọ re ae ohrọ họ na,Yọ Ọnọ ọ ruẹrẹ e rai họ o ti dhesẹ aruoriwo kẹ ae he.+
12 Evaọ ẹdẹ yena, Jihova ọ te kpare ibi ure na no, no obọ Ethẹ* nọ o bi su na rite obọ Uto* Ijipti,+ a ve ti koko owhai họ unọjọ utọjọ, O ahwo Izrẹl.+
13 Evaọ ẹdẹ yena a ti kporo ọgba ologbo,+ yọ ahwo nọ a bi whu no evaọ ẹkwotọ Asiria+ gbe enọ e vahabọ fihọ ẹkwotọ Ijipti+ a te nyaze, a ve guzou kpotọ kẹ Jihova evaọ ugbehru ọrẹri na nọ o rrọ Jerusalẹm.+
Eme-Obotọ
^ O wọhọ nọ o be ta kpahe Izrẹl, ọnọ a jọ etenẹ ta kpahe wọhọ aye jẹ rehọ ọgbọ evaene dhesẹ.
^ Hayo “o rẹ bẹ ẹvẹruọ.”
^ Koyehọ, Yufretis.
