Obe Jọn Ọsosuọ 1:1-10
1 Onana họ onọ o rrọ no emuhọ ze, onọ ma yo, nọ ma rọ ibiaro mai ruẹ, nọ ma romatotọ rri jẹ rọ abọ mai te, onọ u kiekpahe ẹme uzuazọ,+
2 (ẹhẹ, a dhesẹ uzuazọ na via, yọ ma ruẹ e riẹ no ma te bi se isẹri kpahe iẹe+ jẹ be ta kẹ owhai kpahe uzuazọ ebẹdẹ bẹdẹ+ onọ o jọ kugbe Ọsẹ na, nọ a dhesẹ via kẹ omai),
3 oware nọ ma ruẹ je yo na ma be ta kẹ owhai re na,+ re whai omarai re wha sae jọ usu* kugbe omai. Ma rrọ usu nana kugbe Ọsẹ na je kugbe Ọmọ riẹ Jesu Kristi.+
4 Yọ ma bi kere eware nana re oghọghọ mai o ruẹse jọ vọvọ.
5 Onana họ ovuẹ nọ ma yo mi ei je bi whowho kẹ owhai inọ: Ọghẹnẹ yọ elo,+ yọ ebi ọ rrọ oma riẹ* vievie he.
6 Ma tẹ be ta nọ, “Ma rrọ usu kugbei,” rekọ ma gbẹ be nya evaọ ebi, kiyọ ma be ta ọrue, yọ ma bi ru lele uzẹme na ha.+
7 Rekọ ma tẹ be nya evaọ elo na wọhọ epanọ ọyomariẹ ọ rrọ elo na, kiyọ ma rrọ usu kugbe ohwohwo, yọ azẹ Jesu Ọmọ riẹ o re ru omai fo no uzioraha kpobi.+
8 Ma tẹ be ta nọ, “Ma rẹ raha uzi hi,” kiyọ ma be viẹ omobọ mai họ,+ yọ uzẹme na o rrọ eva mai hi.
9 Nọ ma tẹ feva izieraha mai, Ọghẹnẹ o re ru ẹme riẹ gba* o te je kiẹrẹe, fikiere ọ te rọ izieraha mai rọvrẹ omai je ru omai fo no iruo imuomu kpobi.+
10 Ma tẹ be ta nọ, “Ma re raha uzi hi,” kiyọ ma bi ru ei fihọ ọtọrue, yọ ẹme riẹ ọ rrọ eva mai hi.
