1. Guð kærleikans þú ert,

þú sem kennir okkur frið.

Biðjum ávallt um þinn anda

að hann auki okkur lið.

Þú vinur okkar ert

ef við elskum æ þinn son.

Þannig aðgang að þér eigum,

öðlumst frið og bjarta von.

2. Þinn andi eykur sýn

og þitt orð er ljósagnótt,

leiðsögn veitir, njótum verndar

þó í veröld ríki nótt.

Nú styttist í þá stund

þegar stöðvast ógn og stríð.

Viltu blessa verkin okkar,

veita frið þinn alla tíð?

3. Þín elskuð börnin öll

himnum á og hér á jörð,

ríkið boða báðir hópar,

saman búa sem ein hjörð.

Brátt réttlátt ríki þitt

stöðvar ranglæti og hryggð.

Guð mun ætíð hinum hollu

búa hjá um jarðarbyggð.