Guð hefur gefið mönnunum upplýsingar um sig. Hann notaði heilagan anda sinn, eða starfskraft, til að innblása biblíuriturunum hugsanir sínar. (2. Pétursbréf 1:20, 21) Við getum kynnst sannleikanum um Guð með því að lesa Biblíuna. – Lestu Jóhannes 17:17; 2. Tímóteusarbréf 3:16.

Í Biblíunni opinberar Guð okkur margt um sjálfan sig. Hann segir okkur hvers vegna hann skapaði okkur mennina, hvað hann á eftir að gera fyrir mannkynið og hvernig hann vill að við notum líf okkar. (Postulasagan 17:24-27) Jehóva Guð vill að við þekkjum sannleikann um sig. – Lestu 1. Tímóteusarbréf 2:3, 4.

Jehóva er Guð sannleikans. Hann sendi son sinn, Jesú, til að kenna mönnum sannleikann. Þess vegna laðast sannleiksleitandi fólk að Jesú. (Jóhannes 18:37) Guð leitar slíkra tilbiðjenda. – Lestu Jóhannes 4:23, 24.

Satan djöfullinn hefur hindrað marga í að kynnast Guði með því að breiða út lygar um hann. (2. Korintubréf 4:3, 4) Þeir sem elska ekki hið góða laðast að slíkum falskenningum. (Rómverjabréfið 1:25) En milljónir einlægra manna finna sannleikann um Guð með því að kynna sér Biblíuna. – Lestu Postulasöguna 17:11.