Margt fólk um allan heim skortir mat og húsaskjól. Suma sárvantar framtíðarvon. Hvernig stuðlar það að velþóknun Guðs og blessun hans að hjálpa þeim?

„Sá lánar Drottni sem líknar fátækum, hann mun endurgjalda honum.“ – ORÐSKVIÐIRNIR 19:17.

Jesús sagði dæmisögu um mann sem ræningjar höfðu ráðist á og skilið eftir nær dauða en lífi. (Lúkas 10:29–37) Hjálpsamur ókunnugur maður stoppaði og lét sér annt um þennan sárþjáða mann. Hann gerði það þó að maðurinn væri af öðru þjóðerni.

Þessi góði maður veitti særða manninum ekki bara skyndihjálp og efnislega aðstoð. Hann bjargaði honum úr neyðinni.

Hvað lærum við af dæmisögunni? Með henni kenndi Jesús okkur að við ættum að hjálpa þeim sem eru þurfandi á hvaða hátt sem við getum. (Orðskviðirnir 14:31) Ritningin kennir okkur að Guð muni bráðlega binda enda á þjáningar og fátækt. En við veltum kannski fyrir okkur hvenær og hvernig hann muni gera það. Í næstu grein ræðum við um þá blessun sem kærleiksríkur skapari okkar ætlar að veita okkur.