JW BROADCASTING
Agbuya iti Video on Demand iti Roku
Iti seksion a Video on Demand, mabalinmo a kontrolen ti pannakai-play dagiti video iti JW Broadcasting (i-pause, i-rewind, i-fast forward, ken i-skip dagiti video). Agbuyaka iti maysa a video wenno buyaem ti amin a video iti maysa a koleksion.
(Palagip: Mabalin a naiduma ti Roku remote-mo iti naipakita iti diagram iti daytoy a tutorial.)
Luktam ti Video on Demand iti home page tapno makitam dagiti kategoria ti video. Surotem dagiti instruksion iti baba tapno makabirok ken makabuyaka kadagiti video:
Agbirok iti Video
Usarem dagiti arrow iti remote-mo nga agpili iti kategoria ti video. Talmegam ti OK button tapno maluktam ti kategoria a nakaibatogan ti cursor.
Dadduma a video ti makita iti nagduduma a kategoria. Kas pagarigan, ti video a The Prodigal Returns ket mabalin a makita iti Pelikula, Pamilia, ken Tin-edyer. Tunggal grupo dagiti video ket maibilang kas maysa a koleksion dagiti video. Agparang iti ngato ti nagan ti koleksion.
Usarem ti remote-mo nga agpili kadagiti koleksion:
Up ken Down: Mapan iti sabali a koleksion.
Left ken Right: Agpili kadagiti video iti maysa a koleksion.
Adda opsion nga I-play Amin iti tunggal koleksion. Piliem dayta tapno mai-play ti amin a video iti koleksion a mangrugi iti umuna. Agsardeng ti pannakai-play no nai-play aminen a video iti koleksion.
Mangpilika iti video tapno agparang iti iskrin ti Detalye ti Video.
Mangpilika iti kayatmo nga aramiden kadagiti pagpilian iti iskrin:
Ituloy nga I-play: Agparang laeng daytoy a pagpilian no saanmo a nalpas a buyaen ti video. No piliem daytoy, agtuloy ti video iti nagsardengam.
I-play wenno I-play Manipud iti Rugi: I-play ti video manipud iti rugi.
Ipakita Dagiti Subtitle: Agparang daytoy a pagpilian no adda subtitle ti video a buybuyaem. No piliem daytoy, agparang dagiti subtitle ti video ken dagiti subtitle (no adda) ti amin a video iti Streaming ken Video on Demand. Tapno saan nga agparang ti subtitle, piliem ti I-play nga Awanan iti Subtitle.
I-play Amin nga Adda iti Daytoy a Koleksion: I-play ti amin a video nga adda iti koleksion, a mangrugi iti video a buybuyaem. Agsardeng ti pannakai-play no nai-play aminen a video iti koleksion.
Dagiti video iti baba ti iskrin a Detalye ti Video ipakitana dagiti dadduma a video nga adda iti koleksion a pinilim. Talmegam ti Down tapno makapanka kadagiti video iti koleksion, sa talmegam ti Up tapno makasublika iti iskrin a Detalye ti Video.
Kontrolen ti Pannakai-play ti Video
No agple-play ti maysa a video iti seksion a Video on Demand, mabalinmo a kontrolen ti pannakai-play-na iti remote-mo babaen dagitoy:
Play/Pause: I-pause ti video. Talmegam manen ti button tapno ag-play ti video.
Right: I-forward ti video iti sumagmamano a segundo. Ipapautmo a talmegan tapno al-alisto nga ag-forward ti video. No makadanonkan iti paset ti video a kayatmo a buyaen, talmegam ti Play wenno OK button.
Fast Forward: Automatiko nga i-forward-na ti video. No makadanonkan iti paset ti video a kayatmo a buyaen, talmegam ti Play wenno OK button.
Left: I-rewind ti video iti sumagmamano a segundo. Ipapautmo a talmegan tapno al-alisto a makasublika iti pangrugian ti video. No makadanonkan iti paset ti video a kayatmo a buyaen, talmegam ti Play wenno OK button.
Rewind: Al-alisto a makasublika iti pangrugian ti video. No makadanonkan iti paset ti video a kayatmo a buyaen, talmegam ti Play wenno OK button.
Back: Agsubli iti iskrin a Detalye ti Video.
Agbuya iti Naitampok Wenno Kabaruan a Video
Iti home page ti JW Broadcasting, adda dua nga espesial a koleksion ti Video on Demand:
Naitampok: Naglaon daytoy kadagiti naitampok a video, kas kadagiti video a nainaig iti linawas a gimong.
Kabaruan a Video: Kabaruan a nainayon a video.
