Masapul kadi nga agpareserbakayo sakbay nga ag-tour-kayo? Wen. Tapno maliklikan ti sobra a kaadu ti tao ken tapno ma-enjoy ti amin ti ag-tour, kiddawenmi nga agpareserba ti amin nga agpasiar sakbay nga umayda, kasanoman ti kaaduda.

No saankayo a nagpareserba, makapag-tour-kayo kadi latta? No saankayo nga agpareserba, baka saankayo a makapag-tour. Gapu ta bassit ti lugar, limitado laeng ti bilang dagiti makapag-tour iti kada aldaw.

Ania nga oras a masapul a sumangpetkayo para iti panag-tour? Tapno maliklikan ti sobra a kaadu ti tao, pangngaasiyo ta sumangpetkayo saan a nasapsapa ngem 1 oras sakbay ti impareserbayo a panag-tour.

Kasano ti agpareserba iti tour? No ti grupoyo ket basbassit ngem 20 a tao, i-click ti button nga “Agpareserba—Basbassit Ngem 20 a Tao.” Ngem no ad-adu, i-click ti button nga “Agpareserba—20 a Tao Wenno Ad-adu Pay.”

Mabalin kadi a baliwan wenno kanselaren ti impareserbayo a panag-tour? Wen. I-click ti button a “Kitaen Wenno Baliwan ti Naipareserba.”

Kasano no awanen ti bakante iti piniliyo a petsa? Kanayonyo nga itsek ti website. Mabalin nga addanto bakante no adda mangbaliw wenno mangkanselar iti naipareserbada.

Mabalin kadi ti agitugot iti taraken? Saan. Saan a maipalubos iti Bethel dagiti taraken, ngem mabalin a maiserrek dagiti nasanay nga animal a mangipapaay iti serbisio.

Am Steinfels 1

65618 SELTERS (TAUNUS)

DEUTSCHLAND – GERMANY

+49 6483 41 0