Saan nga imbilin ni Jesus kadagiti pasurotna a maaddaanda iti anak wenno saan. Ken saan met nga imbilin dayta dagiti adalanna. Awan ti mabasa iti Biblia a nabatad a mangkondenar iti panangkontrol iti panaganak. No maipapan iti daytoy a banag, agaplikar ti prinsipio a nadakamat iti Roma 14:12: “Tunggal maysa kadatayo makikuentanto iti Dios maipaay iti bagina.”

 Gapuna, nawaya dagiti agassawa a mangikeddeng no aganakda wenno saan. Mabalinda met nga ikeddeng no mano ti kayatda nga anak ken no kaanoda a maaddaan iti anak. No pilien dagiti agassawa ti agusar kadagiti pamay-an a manglapped iti panagsikog (nonabortive contraception), personal a desisionda dayta. Awan koma ti mangbabalaw kadakuada.—Roma 14:4, 10-13.