11:1-4, 6-9

Iti Babel, riniribuk ni Jehova ti lengguahe dagiti nasukir a tattao tapno mawarawarada. Ngem ita, ur-urnongenna ti dakkel a bunggoy manipud iti amin a nasion ken lengguahe. Nangipaay iti “nasin-aw a lengguahe” tapno ‘umawagda amin iti nagan ni Jehova, ket agserbida kenkuana iti abagan-abaga.’ (Sof 3:9; Apo 7:9) Daytoy “nasin-aw a lengguahe” ket ti kinapudno maipapan ken Jehova ken dagiti panggepna a mabasa iti Kasuratan.

Tapno masursuro ti baro a lengguahe, saan nga umdas ti basta panangimemoria kadagiti baro a sasao. Masapul met a sursuruen ti baro a pamay-an ti panagpanunot. Kasta met, tapno masursurotayo ti nasin-aw a lengguahe ti kinapudno, masapul a mapabaro ti panunottayo. (Ro 12:2) Agtultuloy daytoy a proseso nga agresulta iti panagkaykaysa ti ili ti Dios.—1Co 1:10.