Kanta 10
“Adtoyak! Ibaonnak”
“Adtoyak! Ibaonnak”
1. Adut’ manguy-uyaw ita
Iti nagan ni Jehova.
Ti Dios kano ket nadangkok.
Kunat’ maag: “Awan ti Dios!”
Sino ti mangilawlawag?
Sino ti agibunannag?
‘Apo, Adtoy! Ibaonnak.
Kinatan-okmot’ ikantak.
(KORO)
Awanen dakdakkel a dayaw.
O Apo, ibaonnak.’
2. Um-umsienda ni Jehova;
Dida agbuteng kenkuana.
Adda batot’ pagserbianna;
Adda pay Cesar ti diosna.
Sinot’ mangiwaragawag
Yaay ti dakkel a gubat?
‘Apo, Adtoy! Ibaonnak.
Pakdaarmo ket ibagak.
(KORO)
Awanen dakdakkel a dayaw.
O Apo, ibaonnak.’
3. Agsennaay ti naemma
Ta ti dakes umaduda.
Kinapudnot’ sapulenda,
A maka’yeg iti talna.
Sino ti mangted liwliwa
Ken tumulong kadakuada?
‘Apo, Adtoy! Ibaonnak.
Ti naemma ket tulongak.
(KORO)
Awanen dakdakkel a dayaw.
O Apo, ibaonnak.’
(Kitaem met ti Sal. 10:4; Ezeq. 9:4.)
