AGRIINGKAYO! No. 3 2017 | Talaga Kadi a Naggapu ti Biblia iti Dios?

I-PLAY

Naggapu kadi ti Biblia iti Dios? Wenno puro kapanunotan laeng dagiti tattao ti linaonna?

Mabasa iti daytoy a ruar ti Agriingkayo! ti tallo nga ebidensia a ti Biblia ket talaga a naggapu iti Dios.

TOPIKO ITI AKKUB

Ti Biblia—Talaga Kadi a Naggapu iti Dios?

Kuna ti dadduma a ti Biblia ket adda koneksionna iti Dios. Adda met dagiti agkuna a koleksion laeng daytoy kadagiti nagkauna a sarsarita, historia, ken prinsipio nga aramid ti tao.

TOPIKO ITI AKKUB

Ti Biblia—Umiso iti Amin nga Aspeto

Mabayag sakbay pay a nailawlawag dagiti sientista ti maipapan iti sangaparsuaan, umison a nailadawan dagita iti Biblia, impakpakaunana pay ti ibabangon ken pannakadadael dagiti imperio, ken kangrunaanna, nangted kadagiti makapnek a sungbat kadagiti napateg a saludsod iti biag.

TULONG PARA ITI PAMILIA

Ti Pateg ti Trabaho iti Balay

Nagannak, agpangpangaduakayo kadi no pagtrabahuenyo ti annakyo iti balayyo? No wen, ammuenyo ti maitulong ti trabaho iti balay tapno agbalinda a responsable ken naragsak.

Ania? Adda “Maikadua nga Utektayo”?

Daytoy a komplikado a sistema a nayarig iti maysa a laboratorio ti kemikal ket kaaduanna a masarakan iti buksitmo. Ania aya ti ar-aramiden daytoy para kenka?

INTERBIU

Ilawlawag ti Maysa a Software Designer ti Pammatina

Idi immuna a nagtrabaho ni Dr. Fan Yu kas research mathematician, mamati iti ebolusion. Mamati itan a ti biag ket dinisenio ken pinarsua ti Dios. Apay?