Iyestoria daytoy a seksion ti maipapan kadagiti ubbing, agtutubo, propeta, ken ari a nangipakita iti naisangsangayan a pammati ken Jehova. Idiay Siria, namati ti maysa a balasitang nga Israelita a mapaimbag ti propeta ni Jehova ni Naaman. Naan-anay a nagtalek ni propeta Eliseo a protektaran isuna ni Jehova kadagiti kalaban a soldado. Uray no mabalin a pakatayanna, prinotektaran ti nangato a padi a ni Jehoiada ti ubing a ni Jehoas iti dakes a lolana a ni Atalia. Nagtalek ni Ari Ezekias nga isalakan ni Jehova ti Jerusalem, ken saan a nagbuteng kadagiti Asiriano. Inikkat ni Ari Josias ti idolatria, tinarimaanna ti templo, ken insublina ti pudno a panagdayaw iti nasion.