Ania ti manggutugot kadatayo nga agtalinaed a pasurot ni Jesus? Kastoy ti sungbat ni apostol Pablo: “Ti ayat nga adda iti Kristo pilitennakami.” (2 Corinto 5:14) Iti daytoy a benneg, adalentayo ti maipapan iti ayat ni Jesus ken Jehova, iti sangatauan, ken iti tunggal maysa kadatayo. Pudno a makagutugot ti kasta a panagadal. Matukay ti pusotayo, ket magutugottayo nga agtignay, rumang-ay iti panangtuladtayo iti ulidan nga impasdek ti Apotayo.