SALUDSOD 6
Ania ti Impadto ti Biblia Maipapan iti Mesias?
PADTO
“Sika, O Betlehem Efrata, . . . aggapunto kenka ti mangituray iti Israel a mangaramid iti pagayatak.”
KAITUNGPALANNA
“Nayanak ni Jesus idiay Betlehem iti Judea idi kaaldawan ni Herodes nga ari. Idi agangay, adda dagiti astrologo manipud Daya a napan idiay Jerusalem.”
PADTO
“Nagbibingayanda dagiti badok, ken nagbibinnunotanda ti kawesko.”
KAITUNGPALANNA
“Idi nailansadan ni Jesus iti kayo, innala dagiti soldado ti makinruar a badona ket pinagkapatda . . . Innalada pay ti makin-uneg a badona nga awan ti nagsaipanna ta naabel manipud ngato agingga iti gayadanna. Imbagada: ‘Saantayo a pigisen, no di ket pagbibinnunotantayo no asino ti mangala.’”
PADTO
“Amin a tulangna ket salsalakniban ti Dios; awan uray maysa ti natukkol.”
KAITUNGPALANNA
“Idi makadanonda ken Jesus, nakitada a natayen isu a saanda a tinukkol dagiti sakana.”
PADTO
“Naduyok gapu iti basoltayo.”
KAITUNGPALANNA
“Induyok ti maysa kadagiti soldado ti pikana iti bakrang ni Jesus ket dagus a pimsuak ti dara ken danum.”
PADTO
“Binayadanda ti tangdanko a 30 a pedaso a pirak.”
KAITUNGPALANNA
“Kalpasanna, ti maysa kadagiti Sangapulo ket Dua, daydiay maawagan Judas Iscariote, ket napan kadagiti panguluen a papadi sa kinunana: ‘Ania ti itedyo kaniak no traidorek?’ Inkarida a mangtedda iti 30 a pedaso a pirak.”
