Salmo 18:1-50
Iti direktor. Ni David nga adipen ni Jehova, a nangyebkas ken Jehova kadagitoy a liriko ti kanta idi insalakan ni Jehova iti ima ti amin a kabusorna ken iti ima ni Saul. Kinunana:+
18 Ay-ayatenka, O Jehova, sika ti pigsak.+
2 Ni Jehova ti dakkel a bato a paglemmengak ken natalged a pagkamangak ken Mangispal kaniak.+
Ti Diosko ti dakkel a bato+ a pagkamangak,Ti kalasagko ken sara* ti pannakaisalakanko,* ti natalged a pagkamangak.+
3 Umawagak ken Jehova a maikari a maidaydayaw,Ken mangisalakan kaniak kadagiti kabusorko.+
4 Dagiti tali ni patay pinulipolandak;+Kasla layus dagiti awan serserbina a tattao a nangbutbuteng kaniak.+
5 Dagiti tali ni Tanem* pinulipolandak;Ni patay siniluannak.+
6 Immararawak ken Jehova idi agrigrigatak,Iti Diosko kanayon a nagpatulongak.
Manipud iti templona nangngegna ti timekko,+Impangagna ti panagpaarayatko.+
7 Pagammuan ta nagginggined ken nagunggon ti daga;+Dagiti pundasion ti bambantay nadayyegdaKet gapu iti pungtotna, nagkintayegda.+
8 Rimmuar ti asuk iti agongna,Rimmuar ti mangibus nga apuy iti ngiwatna;+Rimmuar kenkuana dagiti dumardarang a beggang.
9 Pinagbayukyokna ti langit bayat nga immulog,+Ket simmipnget ti sirok dagiti sakana.+
10 Nagsakay iti kerubin ket nagtayab nga immay.+
Nagpardas a napan kadagiti payak ti maysa nga anghel.*+
11 Binalkutna ti bagina iti kinasipnget,+Ket naabbongan iti kinasipnget,Kadagiti nalibeg a danum ken napuskol nga ulep.+
12 Gapu iti kinaraniagnaNagtinnag ti uraro* ken dumardarang a beggang manipud kadagiti ulep.
13 Manipud idiay langit, naggurruod ni Jehova;+Impangngeg ti Kangatuan ti timekna+Babaen ti uraro ken dumardarang a beggang.
14 Imbiatna dagiti panana ket nawarawarada;+Pinagkimatna isu a napabutngan ken nagtatarayda.+
15 Makitkitan ti lansad ti karayan;*+Nalukasan dagiti pundasion ti daga, O Jehova, gapu iti panangtubngarmo,Ken iti kinapigsa ti anges a naggapu iti abut ti agongmo.+
16 Manipud iti ngato, ginaw-atnak;Ket iti adalem a dandanum, ginuyod ken inalawnak.+
17 Insalakannak iti napigsa a kabusorko,+Manipud kadagiti manggurgura kaniak a napigpigsa ngem siak.+
18 Dinarupdak idi nadidigraak,+Ngem ni Jehova tinulongannak.
19 Natalged a disso* ti nangipananna kaniak;Insalakannak gapu ta maragsakan kaniak.+
20 Gunggonaannak ni Jehova gapu iti kinalintegko;+Subadannak gapu iti kinaawan basol* dagiti imak.+
21 Ta sinurotko dagiti dalan ni Jehova,Ket diak pinanawan ti Diosko, ta pagdaksak dayta.
22 Tungtungpalek ti amin a pangngeddengna;Saankonto a sukiren dagiti paglinteganna.
23 Agtalinaedak nga awan pakababalawanna iti sanguananna,+Ken kanayon nga agannadak tapno diak makabasol kenkuana.+
24 Gunggonaannak koma ni Jehova gapu iti kinalintegko,+Gapu ta iti imatangna, awan basolko.+
25 Napudnoka kadagiti napudno kenka;+Awan pakababalawan ti pannakilangenmo iti tao nga awan pakababalawanna;+
26 Kadagidiay nadalus, ipakitam a nadaluska,+Ngem kadagidiay nakillo, ipakitam a masiribka.+
27 Ta isalakanmo dagiti napakumbaba,*+Ngem ipababam dagiti natangsit.*+
28 Ta sika, O Jehova, ti mangpasged iti silawko,Ti Diosko a manglawag iti nasipnget nga aglawlawko.+
29 Gapu iti tulongmo, malisiak dagiti rumaut;+Babaen ti pannakabalin ti Dios, malagtok ti pader.+
30 Ti dalan ti pudno a Dios ket perpekto;+Dagiti sasao ni Jehova ket nasudi.+
Isu ket kalasag ti amin nga agkamang kenkuana.+
31 Ta asino ti Dios no di laeng ni Jehova?+
Ken asino ti dakkel a bato malaksid iti Diostayo?+
32 Ti pudno a Dios ti mangkawes kaniak iti bileg,+Ket pagbalinenna ti dalanko a nalinteg.+
33 Paglagtuennak a kas iti ugsa;Pagtakderennak kadagiti narangkis a disso.+
34 Sansanayenna dagiti imak a makigubat;Mapilko dagiti takiagko ti gambang a bai ti pana.
35 Itedmo kaniak ti kalasagmo tapno maisalakanak,+Ti makannawan nga imam ti mangsuporta* kaniak,Ket ti kinapakumbabam ti mangitan-ok kaniak.+
36 Palawaem ti dalan a pagnaak;Saanto a maigalis dagiti sakak.*+
37 Kamatekto dagiti kabusorko ken kamakamek ida;Saanakto nga agsubli agingga a maibusda.
38 Rumekekto ida tapno didan makabangon;+Mataydanto ket baddekekto ida.
39 Papigsaennak a makigubat;Tumbaem dagiti kabusorko iti sanguanak.+
40 Pagatrasem dagiti kabusorko tapno adaywandak;*Ket dadaelekto* dagiti gumurgura kaniak.+
41 Agpatulongda, ngem awan ti mangisalakan kadakuada;Agpaarayatda pay ken Jehova, ngem dina sungbatan ida.
42 Tumekekto ida a kas iti kapino ti tapok iti angin;Ipuruakkonto ida a kas iti pitak iti kalsada.
43 Isalakannak kadagiti tattao nga agbirbirok laeng iti kamali.+
Dutokannakto a kas panguluen dagiti nasion.+
Agserbinto kaniak dagiti tattao a diak am-ammo.+
44 Agtulnogdanto kaniak gapu laeng kadagiti madamagda;Umayto kaniak dagiti ganggannaet gapu iti butengda.+
45 Mapukawto ti tured* dagiti ganggannaet;Rummuardanto kadagiti nagkamanganda ket umayda nga agtigtigerger.
46 Sibibiag ni Jehova! Maidaydayaw koma ti Dakkel a Bato a pagkamangak!+
Maitan-ok koma ti Dios a pakaisalakanak.+
47 Ti pudno a Dios ti agibales para kaniak;+Parmekenna dagiti tattao nga iturturayak.
48 Isalakannak kadagiti naunget a kabusorko;Ipannak iti ngatuen dagiti mangdarup kaniak;+Salbarennak iti naranggas a tao.
49 Isu nga itan-okkanto kadagiti nasion, O Jehova,+Ket agkantaakto iti panangidaydayaw* iti naganmo.+
50 Naindaklan dagiti ar-aramidenna a panangisalakan* para iti arina;+Ipakpakitana ti napudno nga ayat iti dinutokanna,*+Ken David ken kadagiti annakna* iti agnanayon.+
Footnotes
^ Wenno “nabileg a mangisalakan kaniak.”
^ Wenno “ti angin.”
^ Wenno “yelo.”
^ Wenno “dagiti pagayusan ti danum.”
^ Wenno “Nalawa a lugar.”
^ Lit., “kinadalus.”
^ Wenno “marigrigatan.”
^ Lit., “natangsit ti matada.”
^ Wenno “mangsaranay.”
^ Wenno “lipaylipayko.”
^ Wenno “Itedmonto kaniak ti teltel dagiti kabusorko.”
^ Lit., “pagulimekekto.”
^ Wenno “In-inut a mapukaw.”
^ Wenno “agputarakto iti musika.”
^ Wenno “panagballigina.”
^ Wenno “pinulotanna.”
^ Lit., “bin-ina.”
