Oseas 14:1-9
14 “O Israel, agsublika ken Jehova a Diosmo,+Ta naitibkolka gapu kadagiti basolmo.
2 Agsublikayo ken Jehova babaen kadagitoy a sasao,Ibagayo, ‘Pakawanem koma ti basolmi+ ken awatem ti nasayaat nga itedmi,Kas kadagiti maidaton nga urbon a kalakian a baka,* idatonmi ti panangidaydayawmi kenka.+
3 Saannakaminto nga isalakan ti Asiria.+
Saankaminto nga agsakay kadagiti kabalio,+Ket saanminton nga ibaga, “O Diosmi!” kadagiti inaramid dagiti imami,Ta sika ti mangipakpakita iti asi iti ulila nga ubing.’+
4 Paimbagekto ida, ket didakton tallikudan.+
Situtulok nga ayatekto ida,+Ta bimmaawen ti pungtotko kadakuada.+
5 Agbalinakto a kas iti linnaaw iti Israel;Isu ket agsabongto a kas iti lirioKen agramutto a kas kadagiti kayo ti Lebanon.
6 Rumangpayanto dagiti saringitna,Napintasto a kas iti kayo nga olibo,Ken nabanglo a kas iti kayo ti Lebanon.
7 Agnaeddanto manen iti linongna.
Agmuladanto iti bukbukel ken agbuselda a kas iti ubas.+
Ti kinalatakna* ket kaslanto iti arak ti Lebanon.
8 Kunanto ti Efraim, ‘Pagan-anok pay dagiti didiosen?’+
Sungbatak ken aywanakto isuna.+
Agbalinakto a kas iti narangpaya a kayo a parwa.
Siakto ti mangpabunga kenka.”
9 Asino ti masirib? Tarusanna koma dagitoy a banag.
Asino ti nalaing? Ammuenna koma dagita.
Ta nalinteg dagiti dalan ni Jehova,+Ket dagiti nalinteg magnadanto kadagita;Ngem dagiti managbasol maitibkoldanto kadagita.
Footnotes
^ Lit., “Kas pangsubad, idatonminto dagiti urbon a kalakian a baka dagiti bibigmi.”
^ Lit., “pakalaglagipanna.”
