Job 4:1-21
4 Insungbat ni Elifaz+ a Temanita:
2 “No adda mangpadas a makisarita kenka, maumaka kadi?
Ta asino ti makaigawid iti panagsao?
3 Agpayso nga adu ti inlintegmo,Ken pappapigsaem idi dagiti agkakapsut.*
4 Dagiti ibagbagam ti nangbangon iti asinoman a naitibkol,Ken pinatibkermo dagiti agkakapuy a tumeng.
5 Ngem ita ta napasamaken dayta kenka, marigrigatankan;*Dimtengen dayta kenka ket maup-upaykan.
6 Saan aya a ti panagbutengmo iti Dios ti mangpadakkel iti panagtalekmo?
Saan aya a ti integridadmo*+ ti mangted kenka iti namnama?
7 Panunotem, pangngaasim: Adda kadin natay nga inosente?
Ken adda kadin nalinteg a nadadael?
8 Sigun iti nakitakon, agpadpada ti apitenDagidiay agplamplano iti dakes ken agmulmula iti riribuk.
9 Babaen ti anges ti Dios mapukawda,Ket agpatinggada no bumtak ti ungetna.
10 Ngumernger ti leon ken aguga ti urbon a leon,Ngem mapusi uray ti ngipen dagiti napigsa a leon.*
11 Matay ti leon no awan matiliwna,Ket masinasina dagiti urbonna.
12 Adda naipakaammo kaniak a sililimed,Ken nayarasaas iti lapayagko.
13 Nariribukan ti panunotko kadagiti sirmata a nakitak iti rabii,Iti kaimas ti turog dagiti tattao,
14 Napalalo ti butengko,Nga uray la nagpigerger ti amin a tulangko.
15 Adda espiritu a limmabas iti sango ti rupak;Simgar dagiti dutdotko.
16 Nagtakder a saan a nagkutkuti,Ngem diak nailasin ti langana.
Adda nakitak a pormana;Nagari ti ulimek ket pagammuan ta adda nagsao:
17 ‘Mabalin kadi a nalinlinteg ti tao ngem iti Dios?
Mabalin kadi a nadaldalus ti tao ngem iti Nangaramid kenkuana?’
18 Kitaem! Awan panagtalekna kadagiti adipenna,Ken sipsiputanna ti kamali dagiti anghelna.*
19 Nakarkaro pay ngarud dagidiay aggigian iti balbalay a naaramid iti pila,A ti pundasionda ket adda iti tapok+Ken nalakada a marumek a kas iti insekto.
20 Mamimpinsan a marumekda manipud iti bigat agingga iti rabii;Agnanayon a mapukawda, ket awan man la ti makadlaw iti dayta.
21 Saan aya a kasda la iti tolda a narba idi naikkat ti galutna?
Matayda nga awan siribda.
Footnotes
^ Wenno “nakapuy nga ima.”
^ Lit., “nabannogkan.”
^ Wenno “kinaawan pagkurangam.”
^ Wenno “burboran a bumaro a leon.”
^ Wenno “mensaherona.”
