Job 37:1-24
-
Ipalgak dagiti puersa ti nakaparsuaan ti kinanaindaklan ti Dios (1-24)
37 “Ita, bumanugbog ti barukongkoKen agkebbakebba.
2 Denggenyo a naimbag ti gumgumluong a bosesnaKen ti gurruod nga aggapu iti ngiwatna.
3 Ipangngegna dayta iti baba ti intero a langitKen pagkimatenna+ iti amin nga ungto ti daga.
4 Kalpasan dayta, adda mangngeg nga ungor;Paggurruodenna ti naindaklan a timekna,+Ken dina laplapdan dayta bayat a mangmangngeg ti timekna.
5 Nakaskasdaaw ti panangpagurruod ti Dios iti timekna;+Ditay maawatan dagiti naindaklan nga ar-aramidenna.+
6 Ta ibagana iti niebe, ‘Agtinnagka iti daga,’+
Ken iti tudo, ‘Agbayakabakka iti napigsa.’+
7 Pasardengen ti Dios ti amin nga ar-aramiden ti tao*Tapno maammuan ti amin a tao ti aramidna.
8 Mapan dagiti atap nga animal kadagiti rukibdaKen agtalinaedda iti paggigiananda.
9 Rummuar ti angin ti bagyo manipud iti pagtataudanna,+Ket ti angin ti amianan ti paggapuan ti lamiis.+
10 Ti anges ti Dios ti mangpataud iti yelo,+Ket tumangken ti nalawa a kadanuman.+
11 Wen, agneb ti pangpadagsenna kadagiti ulep;Paggilapenna ti kimatna+ kadagiti ulep;
12 Agrikrikusda iti pangituronganna kadakuada;Aramidenda ti aniaman nga ibilinna+ iti rabaw ti intero a daga.*
13 Pangdusana*+ man dayta wenno pagimbagan ti dagaWenno gapu iti napudno nga ayat, siguraduenna a mapasamak dayta.+
14 Imdengam daytoy, Job;Panunotem ken usigem a naimbag dagiti nakaskasdaaw nga aramid ti Dios.+
15 Ammom kadi no kasano ti panangkontrol* ti Dios kadagiti ulepKen no kasano ti panangpagilapna iti kimat iti ulepna?
16 Ammom kadi no kasano a tumpaw dagiti ulep?+
Nakaskasdaaw dagita nga aramid Daydiay perpekto ti pannakaammona.+
17 Apay a bumara ti badomNo agtalna ti daga gapu iti angin ti abagatan?+
18 Kabaelam kadi ti makikadua kenkuana a mangyukrad* iti tangatang+A kas iti katibker ti metal a pagsarmingan?
19 Ipakaammom kadakami no ania ti rumbeng nga ibagami kenkuana;Saankami a makasungbat ta nasipnget ti ayanmi.
20 Rumbeng aya a mapakaammuan a kayatko ti makisarita kenkuana?
Wenno adda aya nangibaga iti banag a masapul a maipakaammo kenkuana?+
21 Saanda pay ketdi a makita ti lawag,*Uray makasisirap dayta iti tangatang,Agingga nga agangin ket maitayab dagiti ulep.
22 Manipud iti amianan, rummuar ti nabalitokan a silnag;Nakaam-amak ti kinadayag+ ti Dios.
23 Saantayo a maawatan ti amin maipapan iti Mannakabalin-amin;+Naindaklan ti pannakabalinna,+Ken dina pulos baliktaden ti kinahustisiana+ ken kanayon a naruay ti kinalintegna.+
24 Rumbeng ngarud nga agbuteng kenkuana dagiti tattao.+
Ta saanna a paboran ti asinoman a mangibilang iti bagida a masirib.”*+
Footnotes
^ Lit., “Mangikabil iti selio iti ima ti tunggal tao.”
^ Wenno “ti nabunga a talon ti daga.”
^ Lit., “Pangbautna.”
^ Wenno “panangbilin.”
^ Wenno “mangpanday.”
^ Kayatna a sawen, ti init.
^ Lit., “masirib iti puso.”
